Vodafone Idea
Vodafone Ideaનો FPO સામાન્ય રોકાણકારો માટે 18 એપ્રિલથી 22 એપ્રિલ સુધી ખુલ્લો રહેશે. કંપની 15 એપ્રિલથી રોડ શો શરૂ કરશે.
વોડાફોન આઈડિયા લિમિટેડે શુક્રવારે (12 એપ્રિલ) રૂ. 18,000 કરોડના FPOની જાહેરાત કરી હતી. માહિતી અનુસાર, આ FPO સામાન્ય રોકાણકારો માટે 18 એપ્રિલથી 22 એપ્રિલ સુધી ખુલ્લો રહેશે. એન્કર રોકાણકારોની ઓફર 16 એપ્રિલે મંજૂર કરવામાં આવશે.
FPOની પ્રાઇસ બેન્ડ નક્કી કરવા માટે શુક્રવારે કંપનીની કેપિટલ રાઇઝિંગ કમિટીની બેઠક યોજાશે. આ ઉપરાંત FPOની ડિસ્કાઉન્ટ કિંમત પણ નક્કી કરવામાં આવશે. તે જ સમયે, કંપની 15 એપ્રિલથી એક રોડ શો પણ શરૂ કરશે, જેમાં રોકાણકારો અને વિશ્લેષકોને મળશે. આ રોડ શો ઓફર બંધ ન થાય ત્યાં સુધી ચાલુ રહેશે.
આદિત્ય બિરલા ગ્રૂપે રોકાણ કર્યું
વોડાફોન આઇડિયાના એફપીઓને ઇક્વિટી દ્વારા રૂ. 20,000 કરોડ એકત્ર કરવા માટે 27 ફેબ્રુઆરીએ કંપનીના બોર્ડ પાસેથી મંજૂરી મળી હતી. કંપનીએ પ્રમોટર Oriana Investment Pte Ltd પાસેથી પ્રેફરન્શિયલ શેર દ્વારા રૂ. 2,075 કરોડ એકત્ર કર્યા છે. આ કંપની આદિત્ય બિરલા ગ્રુપ સાથે સંકળાયેલી છે.
કંપની રૂ. 45,000 કરોડ એકત્ર કરશે
વોડાફોન આઈડિયાએ રૂ. 45,000 કરોડ એકત્ર કરવાની યોજના બનાવી છે. તેમાંથી રૂ. 20,000 કરોડ ઇક્વિટી દ્વારા એકત્ર કરવામાં આવશે. તે જ સમયે, દેવા દ્વારા 25,000 કરોડ રૂપિયાની રકમ એકત્ર કરવામાં આવશે.
CLSAએ 5નો ટાર્ગેટ આપ્યો
બુધવારે બ્રોકરેજ ફર્મ CLAS દ્વારા Vodafone Idea અંગેનો એક રિપોર્ટ બહાર પાડવામાં આવ્યો હતો. જણાવવામાં આવ્યું હતું કે વોડાફોન આઈડિયાના શેર માટે 5 રૂપિયાનો ટાર્ગેટ આપવામાં આવ્યો હતો. બ્રોકરેજ ફર્મ દ્વારા આ રિપોર્ટ એવા સમયે જાહેર કરવામાં આવ્યો છે જ્યારે કંપનીના સબસ્ક્રાઈબર ડેટા સામે આવ્યો છે. છેલ્લા 12 મહિનામાં રૂ. 1.7 કરોડનો ઘટાડો થયો છે.
