Special Train: ટ્રેનનું બુકિંગ શરૂ થઈ ગયું છે. આ ટ્રેનો કલ્યાણ, ઈગતપુરી, ભુસાવલ, ખંડવા, ઈટારસી, ભોપાલ, બીના, વીરાંગના લક્ષ્મીબાઈ ઝાંસી, ઓરાઈ, કાનપુર અને લખનૌ સ્ટેશનો પર રોકાશે.
ભારતીય રેલવેએ મુંબઈ અને અયોધ્યા વચ્ચે બે સ્પેશિયલ ટ્રેન ચલાવવાની જાહેરાત કરી છે. મધ્ય રેલવેએ કહ્યું છે કે મુસાફરોની વધતી માંગને પહોંચી વળવા માટે મુંબઈ અને અયોધ્યા વચ્ચે બે વિશેષ ટ્રેન સેવાની જાહેરાત કરવામાં આવી છે. આ સેવાઓથી બંને શહેરો વચ્ચે મુસાફરી કરતા મુસાફરોની વધારાની ભીડમાં ઘટાડો થવાની અપેક્ષા છે.
ટાઈમ ટેબલની નોંધ કરો
CSMT-અયોધ્યા સ્પેશિયલ: સ્પેશિયલ ટ્રેન નંબર 01019 છત્રપતિ શિવાજી મહારાજ ટર્મિનસ (CSMT), મુંબઈથી ગુરુવાર, 29 ઓગસ્ટ 2024ના રોજ 23:20 કલાકે ઉપડશે અને ત્રીજા દિવસે 09:30 કલાકે અયોધ્યા કેન્ટ પહોંચશે. તેવી જ રીતે, સ્પેશિયલ ટ્રેન નંબર 01020 શનિવારે, 31 ઓગસ્ટ 2024 ના રોજ અયોધ્યા કેન્ટથી 23:40 કલાકે ઉપડશે અને ત્રીજા દિવસે 08:15 કલાકે છત્રપતિ શિવાજી મહારાજ ટર્મિનસ, મુંબઈ પહોંચશે. આ ટ્રેનો કલ્યાણ, ઈગતપુરી, ભુસાવલ, ખંડવા, ઈટારસી, ભોપાલ, બીના, વીરાંગના લક્ષ્મીબાઈ ઝાંસી, ઓરાઈ, કાનપુર અને લખનૌ સ્ટેશનો પર રોકાશે.
બુકિંગ અને કોચ
ખાસ ભાડા પર ટ્રેન નંબર 01019 માટે બુકિંગ 26મી ઑગસ્ટ 2024ના રોજ 12:00 કલાકથી ખુલ્લું છે. ફાઇનાન્સિયલ એક્સપ્રેસના સમાચાર અનુસાર, મુસાફરો તમામ કોમ્પ્યુટરાઇઝ્ડ રિઝર્વેશન સેન્ટર્સ અને IRCTCની સત્તાવાર વેબસાઇટ દ્વારા તેમની સીટ ઓનલાઈન રિઝર્વ કરી શકે છે. ટ્રેનમાં 2 ગાર્ડ બ્રેક વાન સહિત 16 સ્લીપર ક્લાસ કોચ અને 6 જનરલ સેકન્ડ ક્લાસ કોચ હશે.
