Rahul Gandhi’s portfolio
Rahul Gandhi Portfolio: એક રસપ્રદ વાત એ છે કે રાહુલ ગાંધી રિલાયન્સ ગ્રુપ કે અદાણી ગ્રુપના સ્ટોક એક્સચેન્જમાં લિસ્ટેડ એવી કોઈ કંપનીના શેરના માલિક નથી, જેના પર તેઓ સતત પ્રહારો કરી રહ્યા છે.
Rahul Gandhi Portfolio Update: અખિલ ભારતીય કોંગ્રેસના ભૂતપૂર્વ અધ્યક્ષ અને વાયનાડથી લોકસભા સાંસદ, રાહુલ ગાંધીએ 2024ની લોકસભા ચૂંટણીમાં ફરીથી વાયનાડથી ચૂંટણી લડવા માટે ઉમેદવારી નોંધાવી છે. નોમિનેશન ફાઇલ કરતી વખતે રાહુલ ગાંધીએ પોતાની સંપત્તિ અંગે દાખલ કરેલા સોગંદનામામાં તેમણે ખુલાસો કર્યો છે કે તેમની પાસે વિવિધ કંપનીઓના 4.3 કરોડ રૂપિયાના સ્ટોક છે.
રાહુલ ગાંધી તમામ એસેટ ક્લાસમાં રોકાણ કરે છે
એક અનુભવી રોકાણકારની જેમ રાહુલ ગાંધીએ તમામ એસેટ ક્લાસમાં રોકાણ કર્યું છે. તેઓ માત્ર શેરબજારમાં શેર ખરીદીને જ નહીં પરંતુ મ્યુચ્યુઅલ ફંડમાં રોકાણ કરીને આડકતરી રીતે પણ શેરબજારમાં રોકાણ કરે છે. કોંગ્રેસના ભૂતપૂર્વ પ્રમુખે પણ સોવરિન ગોલ્ડ બોન્ડ દ્વારા સોનામાં રોકાણ કર્યું છે. આ સિવાય તેમનું પ્રોપર્ટીમાં પણ રોકાણ છે.
રાહુલના પોર્ટફોલિયોમાં ઘણા બ્લુ ચિપ સ્ટોક સામેલ છે
રાહુલ ગાંધીના પોર્ટફોલિયોમાં 24 સ્ટોક્સ છે જેની કિંમત રૂ 4,33,60,519 છે. રાહુલ પાસે પિડિલાઇટ ઇન્ડસ્ટ્રીઝના 1474 શેર છે, જે ફેવિકોલ બ્રાન્ડ નામ હેઠળ ઉત્પાદનો વેચે છે, જેની કિંમત રૂ. 42,27,432 છે. રાહુલે મલ્ટિબેગર બજાજ ફાઇનાન્સના શેર પણ ખરીદ્યા છે. તેમની પાસે બજાજ ફાઇનાન્સના કુલ 551 શેર છે જેની કિંમત રૂ. 38,89,407 છે. રાહુલ પાસે નેસ્લેના 1370 શેર છે જેની કિંમત 35,67,001 રૂપિયા છે અને તેની પાસે એશિયન પેઇન્ટ્સના 1231 શેર છે જેની કિંમત રૂપિયા 35,29,954 છે. તેણે ટાઇટનના શેર પણ ખરીદ્યા છે. તેમની પાસે ટાઇટનના 897 શેર છે જેની કિંમત રૂ. 32.59 લાખ છે.
કેમિકલ્સ – આઈટી સેક્ટરમાં સૌથી વધુ રોકાણ
રાહુલના પોર્ટફોલિયો પર નજર કરીએ તો તેમણે લાર્જ કેપ, મિડકેપ અને સ્મોલ કેપ શેરોમાં રોકાણ કર્યું છે. એફએમસીજી ક્ષેત્રની ત્રણ દિગ્ગજ કંપનીઓ, એચયુએલ, આઈટીસી અને નેસ્લેના શેર તેમના પોર્ટફોલિયોમાં હાજર છે. તેમની પાસે બ્રિટાનિયાના નોન-કન્વર્ટિબલ ડિબેન્ચર્સ છે. IT સેક્ટરમાં, તેઓ ઇન્ફોસિસ, TCS LTI Mindtree, Infoedge Indiaના શેર ધરાવે છે. બેંકોમાં તેમની પાસે ICICI બેંકના માત્ર 2299 શેર છે જેની કિંમત 24,83,725 રૂપિયા છે. રાહુલના પોર્ટફોલિયોમાં કેમિકલ સેક્ટરનું મોટું એક્સ્પોઝર છે. કેમિકલ કંપનીઓમાં તેમની પાસે આલ્કાઈલ એમાઈન્સ કેમિકલ્સ, દીપક નાઈટ્રાઈટ, ફાઈન ઓર્ગેનિક ઈન્ડસ્ટ્રીઝ, વિનાઈલ કેમિકલ્સ ઈન્ડિયા લિમિટેડનો સ્ટોક છે. ફાર્મા અને હેલ્થકેર સેક્ટરમાં રાહુલ પાસે દિવીની લેબના રૂ. 19.76 લાખ અને ડો લાલ પેથલેબ્સના રૂ. 10.43 લાખના શેર છે.
રાહુલને સ્મોલ કેપ પણ પસંદ છે
રાહુલ ગાંધીએ મ્યુચ્યુઅલ ફંડમાં પણ રોકાણ કર્યું છે જેની કિંમત 3,81,33,572 રૂપિયા છે. તેમનું સૌથી મોટું રોકાણ HDFC સ્મોલ કેપ ફંડમાં છે જેમાં તેમના રોકાણનું બજાર મૂલ્ય રૂ. 1,23,85,545 છે. ICICI પ્રુડેન્શિયલ રેગ્યુલર સેવિંગ્સ ગ્રોથમાં તેમના રોકાણનું મૂલ્ય રૂ. 1.02 કરોડ છે. રાહુલ ગાંધીનું પણ સોનામાં રોકાણ છે. તેમની પાસે સોવરિન ગોલ્ડ બોન્ડના 220 યુનિટ છે જેની કિંમત 15,21,740 રૂપિયા છે.
