NTPC એ ઓડિશામાં ગ્રીન હાઇડ્રોજન ટ્રાન્સપોર્ટેશન સ્કીમ માટે એમઓયુ પર હસ્તાક્ષર કર્યા

NTPC: આ સરકારી કંપનીએ ઓડિશામાં ગ્રીન હાઇડ્રોજન મોબિલિટી માટે કરાર કર્યો, જુઓ આજે કેવી છે તેના શેરની હાલત

NTPC: જાહેર ક્ષેત્રની પાવર કંપની NTPC એ ઓડિશામાં ગ્રીન હાઇડ્રોજન ટ્રાન્સપોર્ટેશન પ્લાનને પ્રોત્સાહન આપવા માટે ગ્રીડકો લિમિટેડ અને CRUT (કેપિટલ રિજન અર્બન ટ્રાન્સપોર્ટ) સાથે ત્રિપક્ષીય મેમોરેન્ડમ ઑફ અન્ડરસ્ટેન્ડિંગ (MoU) પર હસ્તાક્ષર કર્યા છે. NTPCએ સોમવારે એક નિવેદનમાં આ જાણકારી આપી. આ કરારનો ઉદ્દેશ્ય રાજ્યમાં ગ્રીન એનર્જી ટેકનોલોજી, ખાસ કરીને ગ્રીન હાઇડ્રોજન ટ્રાન્સપોર્ટેશન સ્કીમને પ્રોત્સાહન આપવાનો છે.

NTPC ભુવનેશ્વરમાં ગ્રીન હાઇડ્રોજન ફ્યુઅલ સ્ટેશન સ્થાપશે

NTPC રાજધાની ભુવનેશ્વરમાં હાઇડ્રોજન બસો ચલાવશે તેમજ ગ્રીન હાઇડ્રોજન ફ્યુઅલ સ્ટેશનો પણ સ્થાપશે. આ પગલું ડીઝલ બસો પર નિર્ભરતા ઘટાડવામાં મદદ કરશે અને કાર્બન ઉત્સર્જનમાં ઘટાડો કરવામાં પણ યોગદાન આપશે. NTPC છેલ્લા બે વર્ષથી ગુજરાતના સુરતમાં ગ્રીન હાઇડ્રોજન બ્લેન્ડિંગ પ્રોજેક્ટ ચલાવી રહી છે.

કંપનીના પ્રયાસો વિવિધ રાજ્યોમાં ચાલુ છે

NTPC એ ગુજરાતના કંડલા, ઉત્તર પ્રદેશના ગ્રેટર નોઈડા અને લેહમાં પરિવહન ક્ષેત્રે પણ સમાન પહેલ કરી છે. આ ઉપરાંત વિશાખાપટ્ટનમમાં ગ્રીન હાઇડ્રોજન સેન્ટર પણ વિકસાવવામાં આવી રહ્યું છે. કંપનીએ વર્ષ 2032 સુધીમાં 60,000 મેગાવોટ રિન્યુએબલ એનર્જી કેપેસિટી સ્થાપિત કરવાનું લક્ષ્ય નક્કી કર્યું છે.

એનટીપીસીના શેરમાં થોડો વધારો

મંગળવારે બપોરે 12:42 વાગ્યે NTPCનો શેર રૂ. 1.10 (0.33 ટકા)ના નજીવા વધારા સાથે રૂ. 334.75 પર ટ્રેડ કરી રહ્યો હતો. સોમવારે કંપનીના શેર રૂ.333.65ના સ્તરે બંધ થયા હતા. આજના કારોબારમાં કંપનીનો શેર રૂ.336.85ની ટોચે પહોંચ્યો હતો. એનટીપીસીના શેરની 52 સપ્તાહની ઊંચી સપાટી 448.30 રૂપિયા છે.