Delhi-Meerut Namo Bharat Train : નમો ભારત ટ્રેન: શરૂ થઈ નવી સેવા, જાણો દિલ્હીથી મેરઠ સુધીના ભાડા અને મુસાફરી સમય વિશે દરેક વિગતો
વડાપ્રધાન નરેન્દ્ર મોદીએ નમો ભારત ટ્રેનના સાહિબાબાદ-ન્યૂ અશોક નગર સેક્શનનું ઉદ્ઘાટન કર્યું, હવે 55 કિમી લાંબી હાઇ સ્પીડ ટ્રેન સેવા શરૂ
નવી નમો ભારત ટ્રેનથી ન્યૂ અશોક નગરથી મેરઠ દક્ષિણ સુધીનું અંતર માત્ર 40 મિનિટમાં કવર થશે
Delhi-Meerut Namo Bharat Train : હવે દેશની રાજધાનીમાં નમો ભારત ટ્રેન દોડવા લાગી છે. વડાપ્રધાન નરેન્દ્ર મોદીએ આજે દિલ્હી-ગાઝિયાબાદ-મેરઠ રેપિડ રેલ કોરિડોરના સાહિબાબાદ-ન્યૂ અશોક નગર સેક્શનનું ઉદ્ઘાટન કર્યું. તેમણે નમો ભારત ટ્રેનને લીલી ઝંડી બતાવી અને સાહિબાબાદથી ટ્રેનમાં ચડીને ન્યૂ અશોક નગર સ્ટેશન પહોંચ્યા.
અત્યાર સુધી નમો ભારત સાહિબાબાદ અને મેરઠ દક્ષિણ વચ્ચેના 42 કિલોમીટર લાંબા સેક્શન પર ચાલતું હતું. આજથી નમો ભારત કોરિડોરના 55 કિમી લાંબા સેક્શન પર હાઇ સ્પીડ ટ્રેનો દોડવાનું શરૂ થશે. આ વિભાગમાં કુલ 11 સ્ટેશન હશે.
નમો ભારત ટ્રેન સેવાઓ આજે સાંજે 5 વાગ્યાથી ન્યૂ અશોક નગર સ્ટેશનથી મેરઠ સુધી ઉપલબ્ધ રહેશે. નમો ભારત બંને બાજુથી દર 15 મિનિટના અંતરે ચાલશે. આ વિભાગ પર કામગીરી શરૂ થવા સાથે, મેરઠ શહેર હવે નમો ભારત ટ્રેન દ્વારા રાષ્ટ્રીય રાજધાની દિલ્હી સાથે સીધું જોડાયેલું છે.
મુસાફરો ન્યૂ અશોક નગરથી મેરઠ દક્ષિણ સુધી માત્ર 40 મિનિટમાં મુસાફરી કરી શકશે. કોરિડોરના બાકીના વિભાગો એટલે કે ન્યૂ અશોક નગર-સરાઈ કાલે ખાન અને મેરઠ દક્ષિણ-મોદીપુરમમાં બાંધકામનું કામ ઝડપી ગતિએ ચાલી રહ્યું છે.
