New Sim Card Rule: ડિજિટલ યુગમાં સાયબર ફ્રોડ (Cyber Fraud) ની ઘટનાઓ વધી છે. મોટાભાગની સાયબર છેતરપિંડી મોબાઈલ દ્વારા જ થાય છે. કારણ કે ડિજિટલી ઠગ લોકો નકલી આઈડી પર સિમ ખરીદીને ફસાવે છે. એટલા માટે સરકારે નવું સિમ ખરીદવાના નિયમોમાં કેટલાક ફેરફાર કર્યા છે. તે જ સમયે, પાત્ર ગ્રાહકોને ઓનલાઈન સિમ આપવાની સુવિધા આપવામાં આવી રહી છે. આપને જણાવી દઈએ કે, નવા નિયમો હેઠળ કોઈપણ વ્યક્તિ વેરિફિકેશન વગર નવું સિમ ખરીદી શકશે નહીં. તેના માટે આધાર OTP સહિત અન્ય ઘણી ઔપચારિકતાઓ પણ પૂરી કરવી પડશે.
આ લોકોના સિમ ખરીદવા પર પ્રતિબંધ
મીડિયા રિપોર્ટ મુજબ, ટેલિકોમ નિયમો (SIM Card New Rules) માં ફેરફાર પછી નિર્ણય લેવામાં આવ્યો છે કે 18 વર્ષથી ઓછી ઉંમરના યુઝર્સને નવું સિમ આપવામાં આવશે નહીં. આ સાથે જે વ્યક્તિના નામ પર પહેલાથી જ 3 થી વધુ સિમ છે, આવા લોકોને પણ નવું સિમ લેવા પર કેટલાક વેરિફિકેશનની જરૂર પડશે. આ સાથે જે લોકોની માનસિક સ્થિતિ સારી નથી તેમને નવું સિમ આપવામાં આવશે નહીં. જો કે આવા નિયમો ગયા વર્ષે જ જારી કરવામાં આવ્યા હતા. પરંતુ તેનું પાલન કરવાના આદેશો હવે જારી કરવામાં આવ્યા છે.
આધાર વેરિફિકેશન પછી મળશે સિમ
તે જ સમયે, 18 વર્ષથી વધુ ઉંમરના યુઝર્સને પણ આધાર વેરિફિકેશન પછી જ નવું સિમ આપવામાં આવશે. તેની સાથે તમે ઓનલાઈન ડિજીલોકર દ્વારા સરળતાથી તમારા ડોક્યુમેન્ટ વેરિફાઈ કરી શકશો. જણાવી દઈએ કે આ તમામ નવા નિયમો ડિપાર્ટમેન્ટ ઓફ ટેલિકોમ્યુનિકેશન (Department of Telecommunication) દ્વારા લાગુ કરવામાં આવ્યા છે. આ તમામ નિયમોને કેબિનેટે 15 સપ્ટેમ્બર 22ના રોજ મંજૂરી આપી હતી. આ સાથે હવે નવા મોબાઈલ સિમ માટે તમારે UIDAIની આધાર બેઝ્ડ ઈ-KYC સર્વિસનો જ ઉપયોગ કરવો પડશે. OTP દાખલ કર્યા પછી જ તમને નવું સિમ આપવામાં આવશે.
