Budget 2025: બજેટની તારીખો જાહેર; ૩૧ જાન્યુઆરીથી શરૂ થશે સત્ર, જાણો ક્યારે લોકસભામાં રજૂ થશે
Budget 2025: આ વર્ષના બજેટ સત્રની તારીખો જાહેર કરવામાં આવી છે. બજેટ સત્રનો પહેલો તબક્કો ૩૧ જાન્યુઆરીથી ૧૩ ફેબ્રુઆરી સુધી ચાલશે, જ્યારે બીજો તબક્કો ૧૦ માર્ચથી ૪ એપ્રિલ સુધી ચાલશે. આ સમયગાળા દરમિયાન કુલ 27 બેઠકો યોજાશે. નાણામંત્રી નિર્મલા સીતારમણ 1 ફેબ્રુઆરીના રોજ સંસદમાં 2025-26 માટેનું કેન્દ્રીય બજેટ રજૂ કરશે.
સત્ર રૂપરેખા
પ્રથમ તબક્કો (૩૧ જાન્યુઆરીથી ૧૩ ફેબ્રુઆરી): તેમાં ૯ બેઠકો હશે. પ્રધાનમંત્રી નરેન્દ્ર મોદી રાષ્ટ્રપતિના અભિભાષણ પર આભાર પ્રસ્તાવનો જવાબ આપશે, અને નાણાં પ્રધાન બજેટ પરની ચર્ચાનો જવાબ આપશે. ત્યારબાદ સંસદ બજેટ દરખાસ્તોની તપાસ કરવા માટે વિરામ લેશે.
બીજો તબક્કો (૧૦ માર્ચ થી ૪ એપ્રિલ): આમાં વિવિધ મંત્રાલયોની ગ્રાન્ટ માંગણીઓ પર ચર્ચા કરવામાં આવશે, અને બજેટ પ્રક્રિયા પૂર્ણ કરવામાં આવશે.
મોદી સરકારનું ૧૪મું બજેટ
આ નિર્મલા સીતારમણનું સતત આઠમું બજેટ હશે, અને તેમણે અત્યાર સુધીમાં 7 પૂર્ણ બજેટ અને 1 વચગાળાનું બજેટ રજૂ કર્યું છે. આ બજેટ નરેન્દ્ર મોદી સરકારનું ૧૪મું બજેટ હશે, જે ૨૦૧૪માં સત્તામાં આવ્યા બાદ રજૂ કરવામાં આવશે. આ સત્ર 31 જાન્યુઆરીએ રાષ્ટ્રપતિ દ્રૌપદી મુર્મુના સંબોધન સાથે શરૂ થશે, ત્યારબાદ આર્થિક સર્વેક્ષણ રજૂ કરવામાં આવશે.
શક્ય ફેરફારો અને અપેક્ષાઓ
મધ્યમ વર્ગ માટે ખાસ બજેટ: 2025નું સામાન્ય બજેટ મધ્યમ વર્ગ માટે રાહત આપનારું બની શકે છે. કર પ્રણાલીમાં ફેરફારની શક્યતા છે.
કર રાહત: મધ્યમ વર્ગ માટે કર રાહતની અપેક્ષા છે, અને વ્યક્તિગત કરદાતાઓ માટે એક નવી કર વ્યવસ્થા લાગુ કરવામાં આવી શકે છે.
કોર્પોરેટ ટેક્સ સુધારણા: કોર્પોરેટ ટેક્સને સરળ બનાવવા પર ચર્ચા થઈ શકે છે.
ટીડીએસ નિયમોમાં ફેરફાર: ખાસ કરીને ઉચ્ચ આવક ધરાવતા કરદાતાઓ માટે, ટીડીએસ નિયમો પણ સરળ બને તેવી શક્યતા છે.
