Ashwini Vaishnav: 2029 સુધીમાં, ભારત વિશ્વની ટોચની 5 ઇકોસિસ્ટમનો એક ભાગ બની જશે. આ સાથે ડિસેમ્બર 2026માં ટાટાના ધોલેરા પ્લાન્ટમાંથી પહેલી ચિપ પણ રજૂ કરવામાં આવશે. કેન્દ્રીય સંચાર અને IT મંત્રી અશ્વિની વૈષ્ણવે પ્રથમ સેમિકન્ડક્ટર સેટ રોલઆઉટ અંગે આ વાત કહી છે. તેમણે કહ્યું કે ટાટાનો ધોલેરા પ્લાન્ટ 28 50 55 નેનોમીટર નોડમાં ચિપ્સ બનાવશે.
વર્ષ 2029 સુધીમાં ભારત વિશ્વની ટોચની 5 ઇકોસિસ્ટમનો એક ભાગ બની જશે. એટલું જ નહીં, ટાટાના ધોલેરા પ્લાન્ટમાંથી પહેલી ચિપ પણ ડિસેમ્બર 2026માં રજૂ કરવામાં આવશે. વાસ્તવમાં, કેન્દ્રીય સંચાર અને IT મંત્રી અશ્વિની વૈષ્ણવે પ્રથમ સેમિકન્ડક્ટર સેટ રોલઆઉટ અંગે આ વાત કહી છે.
ધોલેરા પ્લાન્ટ 28, 50, 55 નેનોમીટર નોડમાં ચિપ્સ બનાવશે.
અશ્વિની વૈષ્ણવે કહ્યું છે કે પ્રથમ સેમિકન્ડક્ટર સેટનું રોલઆઉટ ટાટાના ઇલેક્ટ્રોનિક પ્લાન્ટમાંથી થશે. મંત્રી અશ્વિની વૈષ્ણવે ટાટા ગ્રૂપ અને સીજી પાવર ચિપ પ્લાન્ટ સમારોહમાં હાજરી આપતાં આ વાતો કહી હતી. તેમણે કહ્યું કે ટાટાનો ધોલેરા પ્લાન્ટ 28, 50, 55 નેનોમીટર નોડ્સમાં ચિપ્સ બનાવશે.
અશ્વિની વૈષ્ણવે જણાવ્યું હતું કે ભારતમાં સેમિકન્ડક્ટર ઉદ્યોગની સ્થાપના માટે 1962થી પ્રયાસો કરવામાં આવી રહ્યા હતા પરંતુ હવે તેમાં સફળતા મળી છે.તેમણે કહ્યું કે ત્રણ મોટા સેમિકન્ડક્ટર પ્રોજેક્ટનો શિલાન્યાસ એ વિશ્વમાં એક રેકોર્ડ છે. વૈષ્ણવે કહ્યું, “કેન્દ્ર દ્વારા પ્રોજેક્ટને મંજૂરી મળ્યાના 15 દિવસની અંદર ભૂમિપૂજન સમારોહ યોજવામાં આવ્યો છે.
પીએમ મોદીએ ત્રણ ચિપ પ્લાન્ટનો શિલાન્યાસ કર્યો
તમને જણાવી દઈએ કે, આજે એટલે કે બુધવારે વડાપ્રધાન નરેન્દ્ર મોદીએ ત્રણ ચિપ પ્લાન્ટનો શિલાન્યાસ કર્યો હતો. તેમાંથી બે યુનિટ ટાટા ઈલેક્ટ્રોનિક્સના છે અને ત્રીજું યુનિટ સીજી પાવરના છે. આમાં કુલ 1.26 લાખ કરોડ રૂપિયાનું રોકાણ થશે.
આ ત્રણ પ્લાન્ટ્સમાં ટાટા ઈલેક્ટ્રોનિક્સના ભારતના પ્રથમ હાઈ-ટેક ચિપ મેન્યુફેક્ચરિંગ પ્લાન્ટનો પણ સમાવેશ થાય છે. તમને જણાવી દઈએ કે આ પ્લાન્ટ તાઈવાનની પાવરચિપ સેમિકન્ડક્ટર મેન્યુફેક્ચરિંગ કોર્પ સાથે ભાગીદારીમાં સ્થાપિત કરવામાં આવશે.આ પ્લાન્ટમાં 91 હજાર કરોડ રૂપિયાના રોકાણ સાથે દર મહિને 50 હજાર વેફરની ઉત્પાદન ક્ષમતા હશે. કેન્દ્ર સમાન ધોરણે મૂડી ખર્ચના 50 ટકા યોગદાન આપશે.
રોજગારમાં વધારો થશે
ટાટા સન્સના ચેરમેન એન ચંદ્રશેખરને જણાવ્યું હતું કે ટાટા ઇલેક્ટ્રોનિક્સના સેમિકન્ડક્ટર પ્રોજેક્ટ્સ શરૂઆતમાં 50,000 પ્રત્યક્ષ અને પરોક્ષ નોકરીઓનું સર્જન કરશે. તેમણે કહ્યું કે ધોલેરા ખાતેના ફેબ્રિકેશન યુનિટમાં ઉત્પાદન પહેલા આસામ પ્લાન્ટમાં ઉત્પાદન શરૂ થવાની ધારણા છે.
