પ્રાપ્ત માહિતી અનુસાર ભુજ શહેરમાં આવેલ ધ મુસ્લિમ એજ્યુકેશન & વેલ્ફર સોસાયટી ટ્રસ્ટ ઘ્વારા સંચાલીત શાળામાં નોકરી કરતા ૨૦ થી વધુ કર્મચારીઓને શાળાના સેક્રેટરી અલીમામત જતભાઈએ કોઈપણ કારણ વગર અચાનક નોકરીથી કાઢી મુકેલ છે એટલુંજ નહિ પરંતુ જયારે આ લોકો બાકી નીકળતા તેમના પગાર લેવા માટે શાળાએ ગયા ત્યારે સેક્રેટરીએ ના સંભળાય તેવી ગાળો બોલી અને જાનથી મારી નાખવાની ધમકીયો આપી અને તેમનો અવાઝ દબાવવાનો પ્રયાસ કરી શાળાએથી ખાલી હાથે હાંકી કાઢીયા.
આ કર્મચારીઓમાં ઘણા તો છેલ્લા ૧૦ વરસથી સેવા બજાવતા હતા અને તેમાં વાલ્મિકી સમાજ સફાઈ કર્મચારીઓ ઉપરાંત ઘણા મુસ્લિમ શિક્ષકો તથા પટાવારાઓ નો સામેવશ થાય છે. તેમણે આપેલ સેવાકર્યો ને અવગણીને તથા તમામ શરમ નેવે મૂકી લુખ્ખી દાદાગીરી કરી પોતાને ભુજ શહેર ભાજપ લઘુમતી મોરચાના પ્રમુખ બતાવી ધમકાવતા કેહતા કે “અમારી સરકાર આખા દેશ પર રાજ કરે છે અને અમે ધાર્યે તે કરી શકીયે તમે મારું કાંઈ નહિ બગાડી શકો..
અપશબ્દો બોલી ગેરવર્તન કરી ત્યાંથી હાકીકાઢ્યાં આવા લોકો જે સત્તાના પાવરમાં અંધ છે અને પોતાના રાજકીય સબંધોનો દુરુપયોગ કરી ક્યાં સુધી ગરીબ અને નીચલા વર્ગોના અધિકારીઓ ને દબાવશે? બાળકોનો ભવિષ્ય આવી શાળાઓમાં કઈ રીતે સુરક્ષિત રહી શકે જેનું સંચાલન આવા લોકોના હાથ માં હોય ! જે ૧૦ વર્ષોની આપેલી સેવાઓને પળભરમાં ખોરવી નાખે એમનાથી સમાજ શું અપેક્ષા રાખે? આ ગરીબવર્ગના કર્મચારીઓએ દેશ અને રાજ્યની કાયદા વ્યવસ્થામાં સંપૂર્ણં વિશ્વાસ રાખી ન્યાય માટે સ્થાનિક પોલીસે સ્ટેશને શાળાના સેક્રેટરી વિરુદ્ધ ફરિયાદ કરેલ છે તથા પ્રધાનમંત્રી અને મુખ્યમંત્રીને પણ ડાયરેક્ટ રજુઆત પણ કરેલ છે.
