South Africa Land Elevation: દક્ષિણ આફ્રિકાની જમીન ગ્લોબલ વોર્મિંગથી ઊંચી થઈ રહી છે, વૈજ્ઞાનિકોની નવી શોધ
South Africa Land Elevation: ગ્લોબલ વોર્મિંગના કારણે જ્યારે વિશ્વના દરિયાકાંઠા વિસ્તારો ડૂબી રહ્યા છે, ત્યારે દક્ષિણ આફ્રિકા ધરતીથી ઉપસી રહ્યું છે. વૈજ્ઞાનિકો કહે છે કે દક્ષિણ આફ્રિકાની જમીન દર વર્ષે લગભગ 2 મીમી ઊંચી થઈ રહી છે — અને એ પણ ત્રણ બાજુથી સમુદ્રથી ઘેરાયેલા દેશમાં!
અહીંનું કારણ ભૌગોલિક રીતે આશ્ચર્યજનક છે. છેલ્લા કેટલાક દાયકામાં દક્ષિણ આફ્રિકામાં ગંભીર દુષ્કાળો આવ્યા છે. પાણીની અછતના કારણે જમીન અંદરથી સૂકી પડતી જાય છે. વૈજ્ઞાનિકોના મતે, જમીનના પોપડા જેવી રચના હોય છે — પાણી ખીંચાઈ જાય તો તે ફરીથી ફૂલી ઉઠે છે. એટલે સૂકાઈ ગયેલી જમીન હવે ધીમે ધીમે ઊંચી થઈ રહી છે.
બોન યુનિવર્સિટીના સંશોધકોના મતે, આ પ્રક્રિયા સંપૂર્ણપણે કુદરતી છે અને ભૂગર્ભ જળના સ્તર સાથે સીધી રીતે જોડાયેલી છે. GNSS (Global Navigation Satellite System) ના ડેટાની મદદથી 2000 થી 2021 સુધીના અવલોકનોમાં જાણવા મળ્યું કે દક્ષિણ આફ્રિકાના ઘણાં વિસ્તારોમાં જમીન ઊંચાઈએ જતી રહી છે.
આ સિદ્ધાંતના આધારરૂપ, કેટલાક વિસ્તારોમાં જ્યાં સૌથી વધુ દુષ્કાળ જોવા મળ્યો છે, ત્યાં જમીન સૌથી વધુ ઉંચી થઈ રહી છે. આ પ્રકિયા અલ નીનો અને લા નીના જેવી આબોહવાની ઘટનાઓ સાથે પણ સંકળાયેલી છે. સૂકાં વાતાવરણમાં જમીન વધુ ઊંચાઈએ જાય છે, જ્યારે ભીનું વાતાવરણ તેને થોભાવે છે.
વિશ્વ જ્યારે દરિયાઈ ધમકી હેઠળ છે, ત્યારે દક્ષિણ આફ્રિકા એક નવો દાખલો બનીને ઊભું રહી રહ્યું છે. આ વૈજ્ઞાનિક શોધ માત્ર ધરતીની ગતિ નહીં, પણ પર્યાવરણ બદલાવના નવા સંકેતો પણ આપે છે.
