Ryo Tatsuki Prediction: 2025ની સુનામી આગાહી, સમુદ્ર લાવી શકે છે વિનાશ
Ryo Tatsuki Prediction: જાપાનના ર્યો તાત્સુકી, જેમને અનેક લોકો ‘જાપાની બાબા વાંગા’ તરીકે ઓળખે છે, તેમની એક નવી આગાહીએ ફરી એકવાર ચર્ચા જગાવી છે. ર્યોનો દાવો છે કે તેમણે 1999માં કેટલીક ભવિષ્યવાણીઓ કરી હતી, જેમાંથી મોટાભાગની હજુ સુધી સાચી પડી છે. હવે તેમણે જુલાઈ 2025માં એક વિનાશક સુનામી અને કુદરતી આફતો આવવાની આગાહી કરીને ચિંતાનો માહોલ ઉભો કર્યો છે.
તેમના મતે, જાપાનની નજીક સમુદ્રના તળિયે આવેલા એક જ્વાળામુખીના ભયંકર વિસ્ફોટ પછી આ સુનામી સર્જાશે. તેમણે આગાહી કરી છે કે જાપાન ઉપરાંત તાઇવાન, ઇન્ડોનેશિયા અને ઉત્તર મારિયાના ટાપુઓ પણ આ વિનાશથી અછૂતાં નહીં રહે. આકસ્મિક આફતોનું કારણ તેઓ આબોહવા પરિવર્તન અને માનવીય બેદરકારીને ગણાવે છે.
1999માં ર્યોએ આપેલી કેટલીક આગાહીઓ સાચી સાબિત થતાં, 2011માં તેમના પુસ્તકને મોટી ઓળખ મળી હતી. આ પુસ્તકમાં ભવિષ્યની મહામારીઓ, ભૂકંપો અને રાજકીય ઉથલપાથલ જેવા અનેક સંજોગોનો સ્પષ્ટ ઉલ્લેખ છે, જે પાછળથી ઘટનાઓરૂપે સામે આવ્યા.
હાલમાં, ર્યોએ આપેલી સુનામી ચેતવણી સોશ્યલ મીડિયામાં ઝડપથી વાયરલ થઈ રહી છે. લોકોએ આ પરિસ્થિતિને ગંભીરતાથી લેવાનું શરૂ કર્યું છે. ઘણા લોકો જ્યાં વાંગાની આગાહીઓની સાથે તુલના કરીને ર્યોનાં દાવાઓ પર વિશ્વાસ વ્યક્ત કરી રહ્યા છે. બીજી તરફ, વૈજ્ઞાનિકો આ આગાહીને આંશિક કાલ્પનિક અને અનુમાન આધારીત ગણાવી રહ્યા છે.
તેમ છતાં, ર્યોની આ ચેતવણી લોકોમાં ચર્ચાનું કેન્દ્ર બની છે. ભવિષ્યમાં શું થશે, તે અસ્પષ્ટ છે, પણ તેમના શબ્દોએ અનેક લોકોને સાવધાન અને સતર્ક થવા માટે ચોક્કસ રીતે મજબૂર કર્યા છે.
