Russia Ukraine Couple Marriage: પ્રેમે તોડી દેશની સીમાઓ, કેરળમાં રશિયા અને યુક્રેનનો અનોખો સંગમ!
Russia Ukraine Couple Marriage: રશિયા અને યુક્રેન વચ્ચેના યુદ્ધની ગૂંજ વચ્ચે, પ્રેમે દેશની સીમાઓ તોડી દીધી છે. કેરળના કોલ્લમના અમૃતપુરી આશ્રમમાં, રશિયાની ઓલ્યા ઓસ્ટ્રોવિક (સાવિત્રી) અને યુક્રેનના શાશા ઓસ્ટ્રોવિકની અનોખી પ્રેમકથા લગ્નમાં પરિવર્તિત થઈ.
23 જાન્યુઆરીએ માતા અમૃતાનંદમયીના આશીર્વાદ સાથે આ યુગલએ લગ્ન કર્યા. શાશા યુક્રેનના કિવથી છે અને તે અમૃતા યુનિવર્સિટીમાં માનસિક સ્વાસ્થ્ય પર પીએચડી કરી રહ્યો છે. તે યુદ્ધગ્રસ્ત વિસ્તારોમાં લોકોને તણાવ દૂર કરવામાં મદદ કરે છે. ઓલ્યા, જે મોસ્કોથી છે, 2009થી અમૃતપુરીમાં સ્વયંસેવક તરીકે સેવા આપી રહી છે અને રશિયામાં મનોવિજ્ઞાનનો અભ્યાસ કરી રહી છે.
શાશા અને ઓલ્યાની મુલાકાત 2019માં થઈ હતી, પરંતુ કોવિડ અને ત્યારબાદ યુદ્ધના કારણે તેઓ લાંબા સમય સુધી મળી શક્યા નહોતા. યુદ્ધ શરૂ થવા પૂર્વે શાશા અમૃતપુરી પરત આવી ગયો, જે તેને ચમત્કાર સમાન લાગ્યું. યુદ્ધ દરમિયાન તેમની નજીકતા વધી, અને તેમનો પ્રેમ વધુ મજબૂત બન્યો. તેઓ માને છે કે પ્રેમ દેશની સીમાઓ અને વિવાદોથી પરે છે.
