Fake Bomb Threat for Love: અંતરરાષ્ટ્રીય ક્રૂઝ પર બોમ્બની અફવા ફેલાતાં મચ્યો ખળભળાટ, તપાસ બાદ બહાર આવ્યું વિચિત્ર સત્ય!
Fake Bomb Threat for Love: કલ્પના કરો કે તમે ક્રૂઝમાં પ્રવાસ કરી રહ્યાં છો અને અચાનક સમાચાર મળે કે જહાજમાં બોમ્બ છે – તો તમારા પર શું વીતે? આવી જ એક હકીકત બની અમેરિકાના ફ્લોરિડાથી જમૈકા જઈ રહેલા કાર્નિવલ સનરાઈઝ ક્રૂઝમાં, જ્યાં એક અફવાએ બધાને ધરાશાય કરી દીધા.
જહાજમાં બોમ્બ હોવાનો ઈમેઇલ, તમામ યાત્રીઓમાં દહેશત
જાન્યુઆરી 2024માં થયેલી આ ઘટનામાં, ક્રૂઝ ઉડાન ભરવા જતું હતું એ પહેલાં જ સ્ટાફને એક ઈમેઇલ મળ્યો, જેમાં લખ્યું હતું કે ‘આ ક્રૂઝમાં બોમ્બ છે’. થોડા જ પળોમાં સમગ્ર જહાજમાં હડકંપ મચી ગયો. અંદાજે 1000 રૂમો ધરાવતા આ વિશાળ જહાજની તાત્કાલિક તપાસ શરૂ થઈ. યાત્રીઓને અટકાવાયા, તમામ રૂમ અને હિસ્સાઓમાં તટસ્થી તપાસ હાથ ધરવામાં આવી.
અફવાનું મૂળ પકડાયું, કારણ સાંભળીને સૌ ચોંકી ઉઠ્યા
જ્યારે તંત્રએ ઈમેઇલની સંપૂર્ણ તપાસ કરી, ત્યારે બહાર આવ્યું કે આ ઈમેઇલ એક 19 વર્ષના યુવાને મોકલ્યો હતો, જે મિશિગનનો રહેવાસી છે. છોકરીનું પરિવાર વેકેશન માટે ક્રૂઝ પર ગયો હતો અને છોકરાને ઘેર રહેવાનું કહ્યું હતું – આ વાત તેને પસંદ નહીં પડતાં તેણે બધાને અટકાવવા માટે બોમ્બની અફવા ફેલાવી.
આખરે જેલની સજા
આ બનાવના પગલે યુવાનની ધરપકડ કરવામાં આવી અને તેણે પોતાની ભૂલ કબૂલી. ત્યારબાદ તેને પાંચ વર્ષની જેલની શક્ય સજા સંભળાવવામાં આવી હતી, જોકે ન્યાયાધીશે અંતે તેને 8 મહિના જેલની સજા ફટકારી. તેણે લેખિત માફી પણ આપી.
આ ઘટના એક મોટો પાઠ છે – કુટુંબ અને સંબંધો વચ્ચેની નારાજગીઓની તમારી જવાબદારીને ભુલાવી ન દે. આવાં મૂર્ખામીભર્યા પગલાં મોટી કાનૂની મુશ્કેલીઓ ઉભી કરી શકે છે.
