Crucifixion Eclipse: નાસાની શોધ, શું ઈસુ ખ્રિસ્તના મૃત્યુ સમયે ચંદ્રગ્રહણ થયું હતું?
Crucifixion Eclipse: ગૂડ ફ્રાઈડે એ દિવસ છે જે ખ્રિસ્તી સમુદાય ઈસુ ખ્રિસ્તના ત્યાગ અને બલિદાનની સ્મૃતિમાં મનાવે છે. માન્યતા અનુસાર, લગભગ બે હજાર વર્ષ પહેલાં ઈસુને વધસ્તંભે ચડાવવામાં આવ્યા હતા. આ દિવસ ઇતિહાસમાં ઊંડી અમિટ છાપ રાખે છે. રસપ્રદ વાત એ છે કે હવે વૈજ્ઞાનિક સમુદાય પણ આ પ્રસંગ સાથે જોડાયેલા દ્રશ્યોને ખગોળશાસ્ત્ર દ્વારા સમજવા માટે આગળ આવ્યો છે.
બાઇબલ અને ખગોળીય ઘટનાઓ
ખ્રિસ્તી ગ્રંથોમાં ઉલ્લેખ છે કે ઈસુના ક્રુસિફિકેશનના સમયે અંધકાર છવાઈ ગયો હતો અને ચંદ્ર લાલ રંગનો લાગતો હતો. આ વર્ણન વર્ષો સુધી ધાર્મિક દૃષ્ટિએ જોવામાં આવતું હતું, પણ હવે તેનો વૈજ્ઞાનિક આધાર પણ ઉભો થઈ રહ્યો છે.
નાસાની વૈજ્ઞાનિક તપાસ
નાસાના તાજેતરના ગણિતીય અને ખગોળીય મોડેલ અનુસાર, 3 એપ્રિલ, 33 એડીના રોજ જેરુસલેમના આકાશમાં ચંદ્રગ્રહણ નોંધાયું હતું. નાસાની આ શોધ સંકેત આપે છે કે ઈસુના મૃત્યુ સમયે આ અદભુત ખગોળીય ઘટના સર્જાઈ હતી. નાસાની સ્કાય-મોન્હિતરિંગ ટેકનોલોજી મુજબ, આ ગ્રહણ સૂર્યાસ્ત પછી દેખાઈ શકે તેવા દૃશ્યપટ્ટીમાં આવ્યું હતું.
યુનિવર્સિટી આધારિત સંશોધન
ઓક્સફોર્ડ યુનિવર્સિટીના સંશોધકો કોલિન હમ્ફ્રીઝ અને ડબ્લ્યુ. ગ્રીમ વેડિંગ્ટને પણ આ મુદ્દા પર અભ્યાસ કર્યો હતો. તેઓએ કર્યું કે “લોહી જેવા ચંદ્રનો ઉલ્લેખ બાઇબલમાં છે, જે ચંદ્રગ્રહણની પરિસ્થિતિ સાથે સરખાવે તો બંધબેસે છે.”
ધાર્મિક અને વૈજ્ઞાનિક દૃષ્ટિનો સમન્વય
આ શોધ માત્ર ધાર્મિક આસ્થાને વૈજ્ઞાનિક ટેકો પૂરું પાડતી નથી, પરંતુ ઇતિહાસને ખગોળવિજ્ઞાન સાથે જોડવાનો એક પ્રયાસ છે. ઘણી ધાર્મિક ધારણાઓ હવે વૈજ્ઞાનિક રીતે પણ સમજી શકાય છે, અને આ અભ્યાસ તેનું ઉત્તમ ઉદાહરણ છે.
ગુડ ફ્રાઈડે અને ઈસ્ટર
ઈસુના વધસ્તંભ પર ચડાવાયા બાદ, તેમને ત્રણ દિવસ પછી પુનઃજીવન મળ્યું હોવાનો ખ્રિસ્તી વિશ્વાસ છે. આ ઘટના ઈસ્ટર સન્ડે તરીકે ઉજવાય છે – જે ગુડ ફ્રાઈડે પછી આવતો સૌથી મહત્વનો તહેવાર છે.
