Ajab Gajab: 66 લાખની ઠગાઈનો કિસ્સો: ‘દિકરાથી’ દગો, ‘માતા’એ સહન કર્યો આઘાત, 10 કિલો વજન ઘટ્યું અને મગજ પર અસર!
Ajab Gajab: જો ઓનલાઈન વસ્તુઓ આપણને સગવડ પૂરી પાડે છે, તો ક્યારેક તે નોંધપાત્ર નુકસાન પણ કરી શકે છે. ખાસ કરીને બાળકો અને વૃદ્ધો, જેઓ તેમના વિશે વધુ જાણતા નથી. આવું જ કંઈક પડોશી દેશ ચીનની એક વૃદ્ધ મહિલા સાથે થયું. એકલી રહેતી એક મહિલાને ઓનલાઈન એક પુત્ર મળ્યો જે તેની સાથે મીઠી મીઠી વાતો કરતો હતો. તેને અંદાજ ન હતો કે આ પ્રેમની કિંમત તેના માટે આટલી મોંઘી સાબિત થશે.
વૃદ્ધ મહિલા તેના ‘દીકરા’ માટેના પ્રેમથી તેને જે કહ્યું તે બધું જ પાળી રહી હતી. તેને ખ્યાલ ન હતો કે તે જેના પર તેની લાગણીઓ અને પૈસાનું રોકાણ કરતી હતી તે વ્યક્તિ એક દિવસ તેને એવો આંચકો આપશે કે તે સ્વસ્થ થઈ શકશે નહીં. શાંઘાઈમાં રહેતી આ મહિલાની ઉંમર 70 વર્ષથી વધુ હતી. તેણે લગ્ન કર્યા ન હતા અને કોઈ સંતાન નહોતું. આવી સ્થિતિમાં, જ્યારે તેને કોઈ મા બોલાવવા વાળું મળ્યું, ત્યારે તે પોતાની જાતને નિયંત્રિત કરી શકી નહીં.
‘દીકરા’એ જ માતાને લૂંટી
રિપોર્ટ અનુસાર, તાંગ નામની મહિલા શાંક્સી પ્રાંતમાં રહેતા એક સોશિયલ મીડિયા ઈન્ફ્લુએન્સરથી ખુબ પ્રભાવિત હતી. 42 હજાર ફોલોઅર્સ ધરાવતો આ ઈન્ફ્લુએન્સર દાવો કરતો હતો કે તે બીજા લોકોની મદદ કરે છે અને ખોવાયેલ લોકોને તેમના ઘરના સભ્યો સાથે મલાવવાનું કામ કરે છે. તેના દયાળુ સ્વભાવથી પ્રભાવિત મહિલાએ શરૂઆતમાં તેની લાઈવ સ્ટ્રીમ્સ દરમિયાન તેને ગિફ્ટ મોકલતી હતી. બાદમાં તેણે ઈન્ફ્લુએન્સર પાસેથી એક ગેરકાનૂની હેલ્થ પ્રોડક્ટ ખરીદી.
ધીમે-ધીમે તે તેની સાથે વાતચીત કરવા લાગી અને તે તેને ‘મા’ કહીને બોલાવતો હતો. તે દિકરાની જેમ તેને ગ્રીટ કરતો અને મળવા પણ આવતો હતો. તે સાથે-સાથે બહાના બનાવીને પૈસા માંગતો રહેતો હતો. તે તેને પૈસા આપતી પણ રહી અને જયારે કોઈ તેના વિશે કંઈ કહેતો, ત્યારે તે તેમને ઝગડી લેતી હતી.
આખરે સત્ય સામે આવ્યું
તાંગની ભત્રીજીએ તેને આ વિશે ચેતવણી આપી, પરંતુ તેણે તેની વાત સાંભળી નહીં. મહિલાને ત્યારે આંચકો લાગ્યો જ્યારે તેના નકલી પુત્રએ તેની સાથે એવું કહીને સંપર્ક તોડી નાખ્યો કે તેને તેના પર વિશ્વાસ નથી. આ ઘટનાથી તાંગને ખૂબ જ આઘાત લાગ્યો હતો અને ચિંતાને કારણે તેનું 10 કિલો વજન ઘટી ગયું હતું. ઘણી સમજાવટ બાદ તેણે પોલીસને ફરિયાદ કરી અને પોલીસે માઓ નામના આ પ્રભાવકની ધરપકડ કરી. એક મહિલાને બે વર્ષ સુધી મૂર્ખ બનાવવા અને તેની સાથે 66 લાખ રૂપિયાની છેતરપિંડી કરવા બદલ તેને સાડા દસ વર્ષની જેલ અને 12 લાખ રૂપિયાનો દંડ ફટકારવામાં આવ્યો હતો.
