Fig Farming : ખેડૂતો માટે સારા સમાચાર! અંજીરની ખેતી પર સરકાર આપશે 75% સુધીની સહાય

Fig Farming : ખેડૂતો માટે સારા સમાચાર! અંજીરની ખેતી પર સરકાર આપશે 75% સુધીની સહાય

Fig Farming  :  સૌરાષ્ટ્રના ખેડૂતો પરંપરાગત ખેતીની સાથે હવે નવીન પાકોની તરફ વળી રહ્યા છે. ખાસ કરીને અમરેલી જિલ્લામાં ખેડૂતો બાગાયતી પાકો, જેમ કે સફરજન, કાજુ, મશરૂમ અને અંજીર ઉગાડી રહ્યા છે. અંજીરનું ઉત્પાદન ખેડૂતો માટે વધુ આવકનું શ્રોત બની રહ્યું છે, અને સરકાર પણ આ તરફ વિશેષ ધ્યાન આપી રહી છે.

સરકારી સહાય અને સબસિડી

અમરેલી જિલ્લાના બાગાયત વિભાગના નાયબ નિયામક એ.એમ. કરમુરના જણાવ્યા મુજબ, ખેડૂતોને અંજીરની ખેતી માટે ખર્ચના 65% કે મહત્તમ ₹32,987 પ્રતિ હેક્ટર સહાય મળે છે. જ્યારે અનુસૂચિત જાતિ અને જનજાતિના ખેડૂતો માટે આ સહાય 75% અથવા મહત્તમ ₹38,000 સુધી છે. આ સહાય ખેડૂતોને ત્રણ હપ્તામાં આપવામાં આવે છે, અને એક ખેડૂત વધુમાં વધુ ચાર હેક્ટર માટે આ યોજનાનો લાભ લઈ શકે છે.

અંજીર વાવેતર માટે જરૂરી જાણકારી

અંજીરના પાકને 19°C થી 22°C તાપમાન અનુકૂળ આવે છે. કાબુલ, બ્રાઉન તુર્કી અને તુર્કીશ વાઈટ જેવી જાતો ભારતીય પરિસ્થિતિ માટે યોગ્ય છે. વાવેતર માટે 15-20 સેમી લંબાઈના કટકાની નીચે ત્રાંસો કાપ મૂકીને, તેને આઈ.બી.એ. 1000 PPM અને ફૂગનાશકથી સારવાર આપવી જોઈએ.

ખેડૂતો માટે અવસર

અંજીરનું વાવેતર 4×4 મીટરના અંતરે કરવાથી એક હેક્ટરમાં 625 છોડ ઉગાડી શકાય છે. સુધારેલી જાતો વાવવાથી ખેડૂતો પ્રતિ હેક્ટર 8 થી 10 ટન ઉત્પાદન મેળવી શકે છે, જે બજારમાં સારી કિંમતે વેચાઈ શકે છે. જો તમે અંજીરની ખેતી કરવા ઈચ્છતા હો, તો સરકારની સહાયનો લાભ ઉઠાવવાની તક ગુમાવશો નહીં.