Cabinets Two Major Decisions: કેબિનેટના બે મોટા નિર્ણયો, ડેરી ઉદ્યોગ અને યુરિયા પ્લાન્ટથી ખેડૂતોને ફાયદો
Cabinets Two Major Decisions: કેન્દ્રીય મંત્રીમંડળે ખેડૂતો માટે બે મહત્વપૂર્ણ નિર્ણયો લીધા છે, જે ડેરી ઉદ્યોગ અને યુરિયા ઉત્પાદનમાં ક્રાંતિ લાવશે. આસામમાં નવું યુરિયા પ્લાન્ટ શરૂ કરવામાં આવશે, જ્યારે ડેરી ઉદ્યોગના વિકાસ માટે મોટી રકમ ફાળવવામાં આવી છે.
ડેરી ઉદ્યોગ માટે નવી યોજના
કેન્દ્રીય મંત્રી અશ્વિની વૈષ્ણવે જાહેરાત કરી કે સુધારેલા રાષ્ટ્રીય ડેરી વિકાસ કાર્યક્રમ (NPDD) માટે રૂ. 1000 કરોડની વધારાની ફાળવણી કરવામાં આવી છે, જેનાથી કુલ બજેટ હવે રૂ. 2790 કરોડ થયું છે. આ યોજનાથી દેશભરમાં ડેરી ઈન્ફ્રાસ્ટ્રક્ચરના વિકાસ અને સુધારણા થશે. સહકારી સંસ્થાઓ મારફતે દૂધ ઉત્પાદન અને તેની ખરીદી પર વધુ ભાર મુકવામાં આવશે.
યુરિયા પ્લાન્ટથી ખેડૂતોને લાભ
આસામમાં નારુપ એમોનિયા-યુરિયા પ્લાન્ટ માટે રૂ. 10,601 કરોડનું રોકાણ મંજૂર થયું છે. આ પ્રોજેક્ટ શરૂ થતાં આસામ સહિત સમગ્ર ઉત્તર-પૂર્વીય ભારતને યુરિયાની સરળ ઉપલબ્ધતા થશે. 48 મહિનામાં તૈયાર થનારા આ પ્લાન્ટ દ્વારા મ્યાનમાર, ભૂટાન અને બાંગ્લાદેશમાં પણ યુરિયાની નિકાસ શક્ય બની શકે.
આ બે નિર્ણયો ખેડૂતો માટે ખૂબ જ મહત્વપૂર્ણ છે, કારણ કે ડેરી ઉદ્યોગમાં નવી તક અને યુરિયા ઉપલબ્ધતા બંને દેશના કૃષિ ક્ષેત્રને મજબૂત બનાવશે.
