ગૂગલે કરી મોટી જાહેરાત : જો તમે ગૂગલના યુઝર છો? તો જાણો

ગૂગલ કે જે ટેકનોલોજીની દુન્યા માં એક મોટું નામ છે તેને એક મહત્વની જાહેરાત કરી છે કે, જૂના વર્જનના ક્રોમ બ્રાઉઝર અને Windows XP અને Windows Vista પર હવે Gmail નહીં ચાલે. જોકે, આ વર્ષના અંત સુધી સપોર્ટ મળતો રહેશે.  ગૂગલના જણાવ્યા મુજબ, 8મી ફેબ્રુઆરી, 2017થી એ Gmail યૂઝર્સને બેનર નોટિફિકેશન આપવામાં આવશે, જે ક્રોમ વર્જન 53 કે તેનાથી નીચેના વર્ઝનવાળું બ્રાઉઝર ઉપયોગ કરે છે.  દુનિયાની સૌથી મોટી ઈ-મેલ કંપની Gmailની આ જાહેરાત બાદ સૌથી વધુ અસર Windows XP અને Windows Vista યૂઝર્સને પડશે, કેમકે બ્રાઉઝર તો લોકો સામાન્ય રીતે અપડેટ કરી લે છે.  એવું એટલા માટે કરવામાં આવ્યું છે કે, જૂના Os અને બ્રાઉઝરમાં સિક્યોરિટી અપડેટ નથી મળતા, જેના કારણે તેને હેક કરવાનું હેકરો માટે સરળ થઈ જાય છે.  ગૂગલ લોકોને જૂના Os અને બ્રાઉઝરમાંથી નવામાં જવા કહી રહ્યું છે. ગૂગલના સત્તાવાર નિવેદન મુજબ જો યૂઝર્સ પોતાના ક્રોમ વર્ઝનમાં Gmail યૂઝ કરશે તો હેકિંગનો ખતરો ઘણો વધી જશે. આવું જ રીતે XP અને Vistaની સાથે પણ છે, જેનો સપોર્ટ હવે માઈક્રોસોફ્ટે પણ બંધ કરી દીધો છે.  ગૂગલે પોતાની બ્લોગ પોસ્ટમાં ક્રોમ અપડેટ કરવાની સલાહ આપી છે.