શુક્રવારથી જમૈકામાં શરૂ થઇ રહેલી બીજી ટેસ્ટમાં ઝડપી બોલર ઇશાંત શર્મા દિગ્ગજ ભારતીય ઝડપી બોલર કપિલ દેવનો એશિયા બહાર સર્વાધિક વિકેટ ઝડપવાના રેકોર્ડને તોડી શકે છે. કપિલ દેવ અને ઇશાંત હાલમાં બંને એશિયા બહાર 45 ટેસ્ટમાં 155 વિકેટ મેળવી છે. જો ઇશાંત બીજી ટેસ્ટમાં એક વિકેટ પણ ઉપાડશે તો તે આ રેકોર્ડ તોડી નાંખશે અને તે ભારત વતી એશિયા બહાર સર્વાધિક વિકેટ ઉપાડનારો ઝડપી બોલર બનશે. ભારત વતી એશિયા બહાર સર્વાધિક વિકેટ લેવાનો ઓવરઓલ રેકોર્ડ જોકે અનિલ કુંબલેના નામે છે, જેણે 50 મેચમાં 200 વિકેટ ઉપાડી છે. જો કે ઝડપી બોલર તરીકે એ રેકોર્ડ હાલ કપિલ અને ઇશાંત સંયુક્ત ધરાવે છે.
એશિયા બહાર સર્વાધિક વિકેટ ઉપાડનારા ભારતીય બોલર
બોલર મેચ ઇનિંગ વિકેટ
અનિલ કુંબલે 50 92 200
કપિલ દેવ 45 77 155
ઇશાંત શર્મા 45 79 155
ઝહીર ખાન 38 66 147
બિશન સિંહ બેદી 34 58 123