Pahalgam attack પછી પાકિસ્તાન પર આર્થિક અસર, શેરબજારમાં 70 હજાર કરોડનું નુકસાન
Pahalgam attack: ૨૨ એપ્રિલના રોજ જમ્મુ અને કાશ્મીરના પહેલગામમાં થયેલા આતંકવાદી હુમલાને આજે એક અઠવાડિયું પૂર્ણ થયું છે, જેમાં ૨૬ નિર્દોષ પ્રવાસીઓ માર્યા ગયા હતા. આ હુમલા બાદ ભારતે પાકિસ્તાન સામે કડક વલણ અપનાવ્યું અને ઘણા મહત્વપૂર્ણ નિર્ણયો લીધા, જેની સીધી અસર પાકિસ્તાનના અર્થતંત્ર અને શેરબજાર પર જોવા મળી રહી છે.
દ્વિપક્ષીય વેપાર અટકાવવા, સિંધુ જળ સંધિ સ્થગિત કરવા અને અટારી સરહદ બંધ કરવાના ભારતના નિર્ણયોને પગલે કરાચી સ્ટોક એક્સચેન્જના KSE-100 ઇન્ડેક્સમાં તીવ્ર ઘટાડો થયો છે. ૨૯ એપ્રિલના રોજ ઇન્ડેક્સ ૫,૪૯૪ પોઈન્ટ અથવા ૪.૬૩% ઘટ્યો હતો, જેના કારણે પાકિસ્તાનના શેરબજારનું માર્કેટ કેપ ૨.૪૫ બિલિયન ડોલર ઘટીને ૫૦.૩૯ બિલિયન ડોલર થયું હતું – જે લગભગ ₹૭૦,૦૦૦ કરોડનું નુકસાન હતું.
શેરબજાર સતત ઘટી રહ્યું છે
- 22 એપ્રિલથી, KSE-100 માં તીવ્ર ઘટાડો થવા લાગ્યો.
- ૨૪ એપ્રિલે શરૂઆતમાં જ ૨,૪૮૫ પોઈન્ટનો ઘટાડો જોવા મળ્યો હતો.
- આ અઠવાડિયે સોમવારે ઇન્ડેક્સ ૧,૪૦૫ પોઈન્ટના ઘટાડા સાથે બંધ થયો.
- પાકિસ્તાન આર્થિક સંકટનો સામનો કરી રહ્યું છે
આ આંચકાઓ વચ્ચે, પાકિસ્તાન પહેલેથી જ આર્થિક સમસ્યાઓનો સામનો કરી રહ્યું છે.
- ફુગાવાનો દર ૩૮.૫% સુધી પહોંચી ગયો છે.
- વિદેશી મુદ્રા ભંડાર ઘટીને માત્ર $3.7 બિલિયન થયો છે.
- આર્થિક વિકાસ દર નકારાત્મક દિશામાં આગળ વધી રહ્યો છે.
પહેલગામ હુમલા બાદ ભારતની કાર્યવાહી અને પાકિસ્તાનની બગડતી આર્થિક સ્થિતિ બંને આ ક્ષેત્રમાં વધતા તણાવ અને અનિશ્ચિતતા તરફ ઈશારો કરે છે.
