ATM Charges: 1 મેથી ATM ટ્રાન્ઝેક્શન મોંઘા થશે, બેલેન્સ ચેક પર ચાર્જ પણ વધશે – જાણો શું છે નવો નિયમ
ATM Charges: ૧ મે, ૨૦૨૫ થી, એટીએમમાંથી રોકડ ઉપાડવી અને બેલેન્સ ચેક કરવું મોંઘુ થશે, ખાસ કરીને જો તમે તમારી પોતાની બેંક (હોમ બેંક) ને બદલે બીજી બેંકના એટીએમનો ઉપયોગ કરો છો. અત્યાર સુધી, મર્યાદા પછી રોકડ ઉપાડવા પર ₹17 નો ચાર્જ લાગતો હતો, હવે તે ₹19 થશે. બેલેન્સ ચેક કરવા પર, તમારે ₹7 ને બદલે ₹9 ચૂકવવા પડશે.
એટીએમ ફ્રી ટ્રાન્ઝેક્શન મર્યાદામાં કોઈ ફેરફાર નથી.
મેટ્રો શહેરોમાં દર મહિને 5 અને નોન-મેટ્રો શહેરોમાં 3 મફત વ્યવહારો ઉપલબ્ધ રહેશે, પરંતુ તે પછી, દરેક વધારાના વ્યવહાર પર આ વધેલી ફી ચૂકવવી પડશે.
ગ્રાહકોએ શું કરવું જોઈએ?
જો તમે વારંવાર ATMનો ઉપયોગ કરો છો, તો તમારી પોતાની બેંકના ATMમાંથી પૈસા ઉપાડવાનો પ્રયાસ કરો. ઉપરાંત, તમે ડિજિટલ પેમેન્ટ અથવા UPI નો વિકલ્પ પસંદ કરીને વધારાના શુલ્કથી બચી શકો છો.
ATMમાં 100 અને 200 રૂપિયાની નોટોની ઉપલબ્ધતા વધશે
RBI એ બેંકો અને વ્હાઇટ-લેબલ ATM ઓપરેટરોને મોટાભાગના ATM માં 100 અને 200 રૂપિયાની નોટ ઉપલબ્ધ કરાવવાનો નિર્દેશ આપ્યો છે. આ સુવિધા ૩૦ સપ્ટેમ્બર ૨૦૨૫ સુધીમાં ૭૫% એટીએમમાં અને ૩૧ માર્ચ ૨૦૨૬ સુધીમાં ૯૦% એટીએમમાં ફરજિયાત થઈ જશે.
