Jupiter transit મૃગશિરા નક્ષત્રમાં ગુરુના ગોચરથી 3 રાશિઓને મળશે સફળતા
Jupiter transit 28 એપ્રિલ 2025ના રોજ સાંજે 6:58 વાગ્યે ગુરુ ગ્રહનો પ્રવેશ મૃગશિરા નક્ષત્રમાં થયો છે, જે મંગળ ગ્રહ દ્વારા શાસિત છે. આ ખાસ જ્યોતિષીય ઘટના અનેક રાશિઓના જીવન પર મહત્વપૂર્ણ અસર કરશે. ગુરુનું ગોચર જ્ઞાન, વ્યવસાય, યાત્રા અને આધ્યાત્મિક વિકાસને વેગ આપતું માનવામાં આવે છે. જોકે, ખાસ કરીને વૃષભ, કન્યા અને ધનુ રાશિ માટે આ ગોચર ઉત્તમ પરિણામો લાવનાર છે.
વૃષભ રાશિ:
ગુરુના મૃગશિરા નક્ષત્રમાં પ્રવેશથી વૃષભ રાશિના જાતકોને વ્યવસાયમાં નોંધપાત્ર વૃદ્ધિ જોવા મળશે. જમીન અથવા મિલકત સંબંધિત નિર્ણયો હવે લાભદાયી સાબિત થઈ શકે છે. અટકેલા કામો આગળ વધશે અને નાણાકીય સ્થિરતા વધશે. પારિવારિક સુખમાં વધારો થશે અને પ્રેમ સંબંધોમાં મીઠાશ આવશે. માનસિક તણાવમાં ઘટાડો થશે, છતાં પાચન તંત્ર માટે સતર્ક રહેવું જરૂરી છે.
કન્યા રાશિ:
કન્યા રાશિના લોકો માટે ગુરુનો આ ગોચર વ્યાવસાયિક ઉન્નતિ અને નવી તકો લઈને આવ્યો છે. નોકરીમાં પ્રમોશન, નવી નોકરી કે પાર્ટનરશિપના અવસર મળી શકે છે. લેખન, ડિઝાઇન, માર્કેટિંગ જેવા સર્જનાત્મક ક્ષેત્રોમાં કાર્યરત જાતકોને વિશેષ સફળતા મળશે. પરિવાર સાથે સંબંધો મજબૂત થશે અને લગ્ન સંબંધિત વાતચીત આગળ વધી શકે છે. બિનજરૂરી આત્મવિશ્વાસથી બચવું જોઈએ અને નાણાં સંભાળીને ખર્ચવા યોગ્ય રહેશે.
ધન રાશિ:
ધન રાશિના જાતકો માટે ગુરુનું મૃગશિરા ગોચર કારકિર્દીમાં તેજી લાવશે. ખાસ કરીને વિદેશ યાત્રા, અભ્યાસ અથવા સરકારી નોકરીની તૈયારી કરતા લોકોને લાભ થશે. વેપાર વિસ્તરણ માટે અનુકૂળ સમય છે. સંબંધોમાં ગાઢતા આવશે અને જૂના મતભેદો દૂર થશે. આવકના નવા સ્ત્રોત ઊભા થશે, જે નાણાંકીય દબાણ ઓસરી કરશે. સ્વાસ્થ્ય માટે નિયમિત વ્યાયામ અને આધ્યાત્મિકતા તરફ વળવાનું શ્રેયસ્કર રહેશે.
