Health બજારમાં કેમિકલ યુક્ત કેરીઓ વેચાઈ રહી છે, જાણો કેવી રીતે ઓળખશો અને બચશો
Health ઉનાળો શરૂ થતાં બજાર કેરીથી છલકાતા જોવા મળે છે. લંગડા, દશેરી, તોતાપુરી કે અલ્ફોન્સો જેવી વિવિધ જાતોની કેરીઓ અનેક લોકોએ ખરીદી પણ હશે. પરંતુ શું તમે જાણો છો કે આજકાલ જે કેરીઓ વેચાઈ રહી છે તે ઘણીવાર કૃત્રિમ રીતે રાસાયણિક પદ્ધતિથી પાકેલી હોય છે, જે તમારા સ્વાસ્થ્ય માટે હાનિકારક સાબિત થઈ શકે છે?
FSSAI (ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા) મુજબ, ઘણા વેપારીઓ કેરીને ઝડપથી પાકવવા માટે કેલ્શિયમ કાર્બાઈડ નો ઉપયોગ કરે છે. આ રસાયણ ‘મસાલા’ તરીકે ઓળખાય છે અને તેમાંથી નીકળતી એસિટિલિન ગેસ કેરીને કૃત્રિમ રીતે પાકે છે. આ પ્રક્રિયાથી કેરી જોઈતી રીતે ચમકદાર અને મુલાયમ તો બને છે, પણ તેમાંના પોષક તત્વો બગડી જાય છે. વધુમાં, આ રસાયણ શરીરમાં પ્રવેશીને માથાનો દુખાવો, તાવ, ચક્કર આવવી, પાચન તંત્રની તકલીફો અને ઘાતક કેસોમાં કૅન્સર જેવી બીમારીઓનું કારણ બની શકે છે.
શા માટે થાય છે આવા રસાયણનો ઉપયોગ?
વેપારીઓ સમય અને ખર્ચ બચાવવા માટે કુદરતી રીતે કેરી પાકવાનું ટાળી દે છે. જે કેરીઓ હજી કાચી હોય તેને તાત્કાલિક વેચાણ માટે રાસાયણિક રીતે પાકાવવામાં આવે છે, જેથી તે દેખાવમાં આકર્ષક લાગે — પણ અંદરથી પોષકતાવિહિન હોય છે.
કેવી રીતે ઓળખશો રાસાયણિક કેરી?
ચમકતી અને ઘણી ઓછી સુગંધવાળી કેરી શંકાસ્પદ હોય શકે
કેરી કાપતા તેની અંદર એક સરખો રંગ ન હોય
નાકથી નક્કર કે કેમીકલ જેવી ગંધ આવતી હોય
શું કરવું?
સ્થાનિક ખેતીમાંથી કેરી ખરીદો જ્યાં તે કુદરતી રીતે પાકવામાં આવે
કેરી ખાધા પહેલાં સારી રીતે પાણીથી ધોઈ લો
વધુ વિશ્વાસ હોય તો ઘર પર કેરીને થાળીમાં રાખીને કુદરતી રીતે પાકવા દો
સાવચેતી એજ સાચી સલામતી! ઊનાળાની મજા માણો, પણ કેરીનું પસંદગીપૂર્વક સેવન કરો.
