Share Market આ 3 શેરો પર આજે ખાસ નજર રાખો
Share Market આજનો દિવસ શેરબજાર માટે અઠવાડિયાનો છેલ્લો ટ્રેડિંગ દિવસ છે. ગયા કેટલાક દિવસોથી બજાર ઉછાળાની સ્થિતિમાં હતું, પરંતુ પહેલગામ આતંકવાદી હુમલા બાદ ભારત-પાકિસ્તાન વચ્ચે વધેલા તણાવને કારણે બજાર દબાણમાં આવ્યું. જો કે બજારમાં મોટો પતન નોંધાયો નહોતો, પણ ઉછાળો અટકી ગયો હતો. આજે પણ વેપારમાં ઉતાર-ચઢાવ રહેવાની શક્યતા છે. આ દરમિયાન, કેટલીક કંપનીઓએ તેમના ત્રિમાસિક પરિણામો જાહેર કર્યા છે અને સાથે ડિવિડન્ડની પણ જાહેરાત કરી છે. આવી સ્થિતિમાં નીચે આપેલ ત્રણ શેરોમાં ખાસ એક્શન જોવા મળી શકે છે:
1. લોધા લિમિટેડ (Macrotech Developers)
મુંબઈ સ્થિત આ રિયલ એસ્ટેટ કંપનીએ Q4 પરિણામોમાં મજબૂત પ્રદર્શન કર્યું છે. કંપનીનો નફો 38.5% વધીને રૂ. 921.7 કરોડ થયો છે, જયારે આવક 5.1% વધીને રૂ. 4,224.3 કરોડ પહોંચી છે. પરિણામોની સાથે કંપનીએ રૂ. 4.25ના વચગાળા ડિવિડેન્ડની જાહેરાત કરી છે. ગુરુવારે લોધાના શેરમાં 3%થી વધુનો ઘટાડો થયો હતો, જે આજે રિવર્સ થઈ શકે છે.
2. ટેક મહિન્દ્રા
આ IT કંપનીના ત્રિમાસિક પરિણામ પણ આશાજનક રહ્યા છે. નફામાં 18.7%નો ઉછાળો આવી 1,166.7 કરોડ થયો છે, જયારે આવક પણ વધીને 13,384 કરોડ થઈ છે. ટેક મહિન્દ્રાએ 30 રૂપિયાના અંતિમ ડિવિડન્ડની જાહેરાત કરી છે. છેલ્લા સત્રમાં શેરમાં ઉછાળો આવ્યો હતો, અને હવે ડિવિડન્ડના સમાચાર સાથે શેરમાં વધુ ટ્રેડિંગ એક્ટિવિટી થઈ શકે છે.
3. એલ એન્ડ ટી ટેકનોલોજી સર્વિસીસ (LTTS)
કંપનીએ તેના ઇતિહાસનો સૌથી મોટો ડિવિડન્ડ જાહેર કર્યો છે — પ્રતિ શેર રૂ. 38. અગાઉ કંપનીએ 17 રૂપિયાનું ડિવિડન્ડ આપ્યું હતું. 24 એપ્રિલે શેર 4,479.90 રૂપિયે બંધ થયો હતો. ડિવિડન્ડના આ ભવ્ય એલાનથી રોકાણકારોનું ધ્યાન આ સ્ટોક પર રહે તેવી પૂરી શક્યતા છે.
આજના ટ્રેડિંગ સેશનમાં ડિવિડેન્ડ અને મજબૂત પરિણામોને કારણે ઉપરોક્ત શેરોમાં ઉત્તેજના અને વોલેટિલિટી રહેવાની શક્યતા છે. રોકાણકારોએ તટસ્થ દૃષ્ટિકોણ સાથે બજારનું અવલોકન કરવું જોઈએ.
