Gold Price સોનું ફરીથી 1 લાખના આંકડાને પાર કરશે? અમેરિકા-ચીન તણાવ વચ્ચે કિંમતોમાં ઉછાળાની શક્યતા
Gold Price તાજેતરમાં એક લાખ રૂપિયાનું ઐતિહાસિક સ્તર પાર કર્યા પછી હવે સોનું ફરીથી એ ઊંચાઈએ પહોંચવાની તૈયારીમાં છે. હાલમાં 24 કેરેટ સોનાનો ભાવ 98,230 રૂપિયા પ્રતિ 10 ગ્રામ છે અને માત્ર 2 હજાર રૂપિયાનું વધારું તેને ફરી એક લાખ સુધી પહોંચાડી શકે છે.
અમેરિકા અને ચીન વચ્ચે ટેરિફ અંગે ચાલી રહેલા તણાવનો સીધો પ્રભાવ સોનાના ભાવ પર પડી રહ્યો છે. શરૂઆતમાં તણાવમાં ઘટાડાના સંકેત મળતાં સોનામાં ઘટાડો થયો હતો, પરંતુ ચીનના તાજેતરના નિવેદન બાદ ફરી અનિશ્ચિતતા ઉભી થઈ છે. ચીને જણાવ્યું કે તે અમેરિકાના એકપક્ષીય ટેરિફને અસ્વીકાર કરે છે અને આ મુદ્દે કોઈ મોખરાની વાતચીત થઇ નથી. પરિણામે, ફરીથી બજારમાં ટેન્શન જોવા મળ્યું છે અને રોકાણકારો સલામત રોકાણ તરીકે સોનામાં વળતા જોવા મળ્યા છે.
અમેરિકાના રાષ્ટ્રપતિ ડોનાલ્ડ ટ્રમ્પે પણ સ્પષ્ટ કર્યું છે કે ટેરિફ પૂર્ણપણે દૂર નહીં થાય, જે ચીનના અભિપ્રાય સાથે વિરુદ્ધભાસ ધરાવે છે. નિષ્ણાતોનું માનવું છે કે જો વેપાર યુદ્ધ યથાવત રહેશે તો સોનાની માંગ વધવાની સંપૂર્ણ શક્યતા છે અને ભાવમાં ફરી ઉછાળો આવવાનો છે.
ભારતમાં સોનાની કિંમત માત્ર સ્થાનિક માંગ-પુરવઠા પર આધારિત નથી, પરંતુ આંતરરાષ્ટ્રીય બજારો જેમ કે લંડન ઓટીસી અને કોમેક્સ ફ્યુચર્સ માર્કેટની ગતિવિધિઓથી પણ ઘડાય છે. વૈશ્વિક સ્તરે સોનાની કિંમતો લંડન બુલિયન માર્કેટ એસોસિએશન (LBMA) નક્કી કરે છે અને ભારતમાં તે દર ઇન્ડિયન બુલિયન જ્વેલર્સ એસોસિએશન (IBJA) દ્વારા આયાત શુલ્ક અને કરો ઉમેરી નક્કી થાય છે.
નિષ્ણાતોનું માનવું છે કે આગામી દિવસોમાં જો યૂએસ-ચીન તણાવ યથાવત રહ્યો, તો સોનું ફરીથી એક લાખના આંકડાને પાર કરી શકે છે. રોકાણકારો માટે આ સમય સાવધાનીપૂર્વકના નિર્ણયનો છે.
