Mumbai Indians મુંબઈ ઈન્ડિયન્સની શાનદાર વાપસી
Mumbai Indians IPL 2025ની મોસમમાં, મુંબઈ ઈન્ડિયન્સે જે વાપસી કરી છે તે ખરેખર ઉલ્લેખનીય છે. 12 એપ્રિલ સુધી આ ટીમ પોઈન્ટ ટેબલમાં નવમા સ્થાને હતી અને તેનો પ્રવાહ ખૂબ નબળો લાગતો હતો. પરંતુ ત્યારબાદ જે બદલાવ આવ્યો તે જબરજસ્ત છે. હાર્દિક પંડ્યાની આગેવાની હેઠળ ટીમે સતત ચાર મેચ જીતીને પોતાનું સ્થાન સીધું ત્રીજા નંબરે બનાવી દીધું છે.
સૌથી ખાસ વાત એ છે કે હાલ ચાર ટીમો પાસે 10 પોઈન્ટ છે, છતાં નેટ રન રેટના આધારે મુંબઈ ટોચ પર છે. આ દરેક ખેલાડીઓના સહકાર અને નિષ્ઠાથી શક્ય બન્યું છે.
બેટિંગમાં લાવ્યા નવી તેજી
હાર્દિક પંડ્યા પહેલાથી જ રન બનાવી રહ્યો હતો, પણ હવે રોહિત શર્મા અને સૂર્યકુમાર યાદવે પણ પોતાની જાત સિદ્ધ કરી છે. બંનેએ મહત્વની પરિસ્થિતિમાં રન બનાવ્યા છે અને મેચનો ફળો પલટાવ્યો છે. ટીમની ટોચની બેટિંગ લાઈન-અપ ફરી ફોર્મમાં આવી છે, જે કોઈપણ ટીમ સામે ડરાવે તેવી છે.
બોલિંગ લાઇન પણ કરી શાનદાર કામગીરી
જસપ્રીત બુમરાહ વધુ વિકેટો ન લેતો હોવા છતાં રન રોકવામાં સફળ રહ્યો છે. સાથે ટ્રેન્ટ બોલ્ટ અને અન્ય બોલર્સે પણ દબાણ બનાવીને વિપક્ષીને કાબૂમાં લીધા છે. બોલિંગ અને બેટિંગ બંનેમાં ટીમનો સંતુલન ખૂબ સારું બની ગયું છે.
આગામી પડકારો પણ મુશ્કેલ
હવે આગળની મેચો મુંબઈ માટે ખૂબ મહત્વપૂર્ણ છે. ટીમને LSG, રાજસ્થાન રોયલ્સ અને ગુજરાત ટાઇટન્સ જેવી મજબૂત ટીમો સામે રમવું છે. જો મુંબઈએ અત્યાર સુધીનો જ માળખો જાળવી રાખ્યો, તો આ ટીમ ફરીથી ટાઇટલ માટે દાવેદાર બની શકે છે
