Olympics 2036 : જાસપુર તળાવ બનશે અમદાવાદની નવી ઓળખ, ઓલિમ્પિક 2036 માટે તૈયારીઓ ઝડપ પર
Olympics 2036: અત્યાર સુધી અમદાવાદની ઓળખ સમાન ગણાતું વસ્ત્રાપુર તળાવ આવતા સમયમાં પાછળ રહી જશે, કારણ કે શહેરના જાસપુર વિસ્તારમાં આવેલા વિશાળ તળાવને નવો રૂપ આપવામાં આવી રહ્યો છે. વસ્ત્રાપુર તળાવ કરતાં ત્રણ ગણું વિશાળ અને 1.76 લાખ ચોરસ મીટર વિસ્તારમાં ફેલાયેલું જાસપુર તળાવ આગામી 2036ના ઓલિમ્પિક ગેમ્સ માટે શહેરનું મુખ્ય આકર્ષણ બનશે.
ઓલિમ્પિક માટે અમદાવાદની દાવેદારી
દર ચાર વર્ષે યોજાતી વિશ્વની સૌથી મોટી રમતગમતની ઇવેન્ટ ઓલિમ્પિક્સ 2036 માટે ભારત તરફથી અમદાવાદ દાવેદાર શહેર તરીકે ઊભરી રહ્યું છે. અગાઉના ઓલિમ્પિક્સ ફ્રાન્સના પેરિસ (2024), અમેરિકાના લોસ એન્જલસ (2028) અને ઓસ્ટ્રેલિયાના બ્રિસ્બેન (2032) જેવા શહેરોમાં યોજાયા છે. હવે અમદાવાદમાં ઓલિમ્પિક ગેમ્સ માટે વિવિધ મોટા સ્પોર્ટ્સ ઇન્ફ્રાસ્ટ્રક્ચર પ્રોજેક્ટ્સ ઉપર કામ ઝડપથી ચાલી રહ્યું છે.
જાસપુર તળાવને મળશે નવી ઓળખ
જાસપુર તળાવને આધુનિક અને વૈશ્વિક સ્તરના ટુરિઝમ સ્પોટ તરીકે વિકસાવવા માટે ઔડા (AUDA) તરફથી વિશિષ્ટ આયોજન હાથ ધરાયું છે. તળાવનો પાણી વિસ્તાર માત્ર 62,000 ચો.મી.નો છે, પણ તેની આસપાસ 1.76 લાખ ચો.મી. વિસ્તારને આધુનિક સુવિધાઓથી સમૃદ્ધ બનાવાશે. બોટીંગ, નેચરલ ગાર્ડન, ચીલ્ડ્રન પ્લે ઝોન, સ્પોર્ટ્સ ગ્રાઉન્ડ, સાઇકલ ટ્રેક, બર્ડ વોચિંગ એરિયા અને અન્ય અનેક આકર્ષણો અહીં વિકસાવવામાં આવશે.
વિશેષ સુવિધાઓ જે બનશે આકર્ષણનું કેન્દ્ર:
મુખ્ય પ્રવેશદ્વાર અને સાંસ્કૃતિક રંગમંચ
કલાત્મક ફુવારા અને મ્યુઝિકલ લાઇટિંગ
સ્પોર્ટ્સ એરીના અને ઓપન એર થિયેટર
વોટર ટ્રીટમેન્ટ પ્લાન્ટ
ચાઈલ્ડરન્સ ઝોન અને નર્સરી
રીડિંગ એરિયા અને જોગિંગ ટ્રેક
પાથવે, ગેમઝોન, પાર્કિંગ અને સ્ટોલ એરીયા
પ્રોજેક્ટ ખર્ચ અને અમલનો સમયગાળો
ઔડાએ આ મલ્ટીપ્રોપોઝલ પ્રોજેક્ટ માટે આશરે ₹50 કરોડ જેટલો અંદાજિત ખર્ચ રાખ્યો છે અને ખાનગી યુનિવર્સિટીને કન્સલ્ટન્ટ તરીકે નિમવામાં આવી છે. આગામી પાંચ વર્ષમાં સમગ્ર તળાવનું પરિવર્તન પૂર્ણ કરવાનો લક્ષ્યાંક રાખવામાં આવ્યો છે. હાલ સરકારના મંજૂરીના અંતિમ તબક્કાની રાહ જોવાઈ રહી છે.
નવો ડ્રીમ ડેસ્ટિનેશન
જાસપુર તળાવને માત્ર સ્થાનિકો માટે નહીં, પણ દેશવિદેશના મુલાકાતીઓ માટે પણ આકર્ષણનું કેન્દ્ર બનાવવાનું વિઝન છે. જો ઓલિમ્પિક્સ 2036નું આયોજન અમદાવાદમાં થાય છે, તો જાસપુર તળાવ તેની આત્મા સમાન બની રહેશે.
