US-China tariff war: ટ્રમ્પે ચીન પર 245% ટેરિફ લગાવવાનો નિર્ણય,વેપાર અવરોધમાં નવો વળાંક
US-China tariff war: રાષ્ટ્રપતિ ડોનાલ્ડ ટ્રમ્પે ચીની આયાત પર ટેરિફ વધારવાના એક્ઝિક્યુટિવ ઓર્ડર પર હસ્તાક્ષર કર્યા પછી, કુલ ટેરિફ દર 245% સુધી પહોંચતા, અમેરિકા અને ચીન વચ્ચેના વેપાર વિવાદમાં નવો વળાંક આવ્યો છે.
US-China tariff war: મંગળવારે વ્હાઇટ હાઉસ દ્વારા જારી કરાયેલા આદેશમાં સ્ટીલ પર 25% અને એલ્યુમિનિયમ પર સમાન 25% ટેરિફ ફરીથી લાદવામાં આવ્યો છે. ટ્રમ્પે ચીન પર અમેરિકા પ્રત્યે “આદરનો અભાવ” હોવાનો આરોપ લગાવીને આ પગલું ભર્યું છે.
ટેરિફ દરોમાં વધારો
ટ્રમ્પ રાષ્ટ્રપતિ બન્યા પછી, 20% ટેરિફ સાથે વેપાર યુદ્ધ શરૂ થયું, જે પછીથી વધારીને 50% કરવામાં આવ્યું. આ પ્રક્રિયામાં, ચીને અમેરિકન ઉત્પાદનો પર ટેરિફ વધારી દીધો, જેનાથી પરિસ્થિતિ વધુ ખરાબ થઈ ગઈ. તાજેતરમાં, ચીને યુએસ આયાત પર ટેરિફ વધારીને ૧૨૫% કર્યો હતો, જેના જવાબમાં ટ્રમ્પે તેને વધારીને ૨૪૫% કર્યો હતો.
ખનિજ, લાકડા અને ડિજિટલ કરવેરા પર એક્ઝિક્યુટિવ ઓર્ડર
રાષ્ટ્રપતિ ટ્રમ્પે અન્ય ઘણા એક્ઝિક્યુટિવ ઓર્ડર પર પણ હસ્તાક્ષર કર્યા, જેમાં એક એવો આદેશ પણ સામેલ છે જે આયાતી તાંબુ, લાકડું અને લાકડાના ઉત્પાદનોની યુ.એસ. રાષ્ટ્રીય સુરક્ષા પર થતી અસરની તપાસ કરશે. તેમનો ઉદ્દેશ સ્થાનિક ઉત્પાદન વધારવાનો અને વિદેશી નિર્ભરતા ઘટાડવાનો છે.
ચીનનો આર્થિક વિકાસ
પ્રથમ ક્વાર્ટરમાં ચીનનો GDP વૃદ્ધિ દર 5.4% રહ્યો, જે વિશ્લેષકોના 5.1% ના અનુમાન કરતા વધારે છે. જોકે, ચીની અર્થશાસ્ત્રીઓએ ચેતવણી આપી છે કે બાહ્ય દબાણ અને નબળી સ્થાનિક માંગને કારણે સમસ્યાઓ ચાલુ રહી શકે છે.
So let me get this straight.
You slap tariffs on China… then you raise them… then raise them again, which makes China slam us with massive retaliatory tariffs. Then you lift those tariffs for a few weeks like it’s a limited-time Netflix subscription, only to maybe bring them… pic.twitter.com/PCOmu8Ta5z
— Brian Krassenstein (@krassenstein) April 13, 2025
ભવિષ્યની દિશા
વ્હાઇટ હાઉસે સ્પષ્ટ કર્યું કે યુએસ સપ્લાય ચેઇનમાં દખલગીરી અને વિદેશી દેશો દ્વારા નિકાસ પ્રતિબંધોનો ઉપયોગ અમેરિકન હિતો વિરુદ્ધ થઈ રહ્યો છે. ટ્રમ્પ કે શી જિનપિંગ આ વિવાદમાં પીછેહઠ કરવા તૈયાર નથી, અને આ વિવાદ લાંબા સમય સુધી ચાલી શકે છે.
ટ્રમ્પે મંગળવારે કહ્યું, “આપણે તેમની સાથે કોઈ સોદો કરવાની જરૂર નથી, કારણ કે તેમને આપણા પૈસાની જરૂર છે.” તેમણે વેપાર વાટાઘાટો ફરી શરૂ કરવાની જવાબદારી ચીન પર મૂકી.
