Kutch ભુજના સૈયદપર ગામે ભુમાફિયા દ્વારા ગૌચર જમીન પચાવી પાડવા રચ્યો કારસો?
Kutch ભુજ તાલુકાના સૈયદપર ગામે ભુમાફિયાએ જવાબદાર વિભાગો સાથે મિલીભગત કરી રેવન્યુ રેકર્ડમાં ભૂલનો ગેરલાભ લઇ ગેરકાયદેસર રીતે એકના બદલે બીજી જગ્યાએ જમીન બતાડી ગૌચર જમીન પચાવી પાડવામાં પ્રયાસ કરાયો હોવાનો સ્થાનિકો દ્વારા ગંભીર આક્ષેપો કરવામાં આવ્યા છે. ભુમાફિયા દ્વારા સૈયદપરના જુના સર્વે એક પૈકી બેના બદલે અન્ય સર્વે નંબર અને ઠામ ગેરકાયદેસર રીતે દબાવવાનો પ્રયાસ કરવામાં આવી રહ્યા છે. ભુમાફિયાઓ દ્વારા સૈયદપર ગામના સર્વે નંબર એક પૈકી એકના બદલે એક પૈકી બેનો ગેરકાયદેસર રીતે વેચાણ કરાયો હોવાનો ગ્રામજનોએ તમામ વિભાગોને લેખિત રજુઆત કરી છે. 
સૈયદપર ગામે જમીનની નકશા ભુલનો લાભ લઈ માપણી કરાવેલ છે તે જમીનના પૂર્વે સૈયદપર થી વાવડી જતો રાજમાર્ગ આવેલ છે જમીનમાંથી ગામના સીમાડામાં આવવા જવાનો રસ્તો આવેલ છે. તેમજ સરકારની યોજનાઓમાંથી વિકાસના કામો થકી જમીનમાં ગામ લોકોને પીવાનુ પાણી પુરો પાડતો પાણીનો ટાંકો તથા પાણીની લાઈન તથા પશુધનને પાણી પીવા માટેનો તળાવ આવેલ છે.
તમામ કામો એક જ દિવસમાં કે એક જ રાતમાં થયેલ હોય તેવુ નથી તેમજ તે જમીનમાં પથ્થરના વિશાળ કુદરતી ડુંગરો આવેલ છે.
જેથી તટસ્થ તપાસ કરવામાં આવે તો સ્પષ્ટ ખ્યાલ આવે છે કે આ જમીન કયારે પણ ખેડાયેલ નથી કે કયારે પણ ખેડવાલાય રહેલ નથી તે તમામ હકીકત ભુમાફિયાઓ પણ જાણે છે તેમ છતા બળપ્રયોગથી તેમજ કિંમતી જમીન પચાવી પાડવા પોલીસનો સહારો લઇ બળજબરી પૂર્વક મેળવવાની તજવિજ કરવામાં આવતી હોવાનું આક્ષેપ સ્થાનિકો દ્વારા કરવામાં આવી રહ્યું છે.
