CEOs Quick Reply Goes Viral: ગ્રાહકની ફરિયાદ પર CEOનો તાત્કાલિક પ્રતિભાવ, સોશિયલ મીડિયામાં ચર્ચા!
CEOs Quick Reply Goes Viral: આજે, તમે ઓનલાઈન ઓર્ડર આપો અને જો પ્રોડક્ટ અપેક્ષા મુજબ ન મળે, તો સૌથી પહેલી ક્રિયા ફરિયાદ કરવાનું થાય! આવો જ એક કિસ્સો X (ટ્વિટર) પર થયો, જ્યારે એક મહિલાએ ઓશીકાની ખરાબ ગુણવત્તીને લઈને પોસ્ટ કરી. આશ્ચર્યની વાત એ છે કે Frido કંપનીના CEO ગણેશ સોનાવણેએ પોતે તરત જ પ્રતિસાદ આપ્યો!
“What I Ordered vs What I Received” પોસ્ટ વાયરલ
એક યુઝરે X પર Frido બ્રાન્ડને ટેગ કરી અને બે ફોટા શેર કર્યા. એક ફોટામાં કંપનીની સાઇટ પર દેખાતું ભવ્ય ત્રિકોણાકાર ઓશીકું હતું, જ્યારે બીજામાં મળેલું ઓશીકું જોરથી દબાઈ ગયેલું અને અસમાન દેખાતું હતું.
CEOનો સારો પ્રતિસાદ
CEO ગણેશ સોનાવણેએ પહેલાં “ડા*ન” લખીને હેરાનગી દર્શાવી, પછી તરત જ “અસુવિધા બદલ માફ કરશો” કહીને માફી માંગી. તેમણે સમજાવ્યું કે વેક્યુમ પેકિંગના કારણે ક્યારેક ઓશીકું તેના મૂળ આકારમાં તરત પાછું આવતું નથી, પણ થોડા કલાકોમાં સ્વરૂપમાં આવી જાય છે. સાથે જ તેમણે ખાતરી આપી કે ટીમ આ મુદ્દે ઝડપી ઉકેલ લાવશે.
What I ordered VS what I received @myfrido pic.twitter.com/Se58ANbyAD
— Sabudana khichadi (@Dishasatra) March 20, 2025
સોશિયલ મીડિયામાં મિશ્ર પ્રતિક્રિયાઓ
કેટલાક લોકોએ CEOના ઝડપી પ્રતિસાદની પ્રશંસા કરી, તો કેટલાકે કંપનીની લોજિસ્ટિક્સ સિસ્ટમ પર સવાલ ઉઠાવ્યો. CEOએ પણ ખુલ્લા હૃદયે જવાબ આપ્યો કે 1% લોજિસ્ટિક્સ સમસ્યાઓ સામાન્ય છે, પરંતુ તેઓ ગુણવત્તા સુધારવા સતત પ્રયત્નશીલ છે.
કંપની પાછળનું મગજ
ગણેશ સોનાવણે, મહારાષ્ટ્રના એન્જિનિયર, 2015 માં Frido સ્થાપી, જે આરામદાયક અને ઉપયોગી પ્રોડક્ટ બનાવે છે. તેમની પ્રતિસાદની ઝડપે તેમને સોશિયલ મીડિયામાં સુપરહિટ બનાવી દીધા!
