US: લાલ સાગરમા વધતું દબાણ; અમેરિકા અને હૂતી વચ્ચે યુદ્ધથી તેલની કિંમતોમાં વધારો થવાની સંભાવના
US: લાલ સાગરનો વિસ્તાર ફરીથી ગરમ થઇ રહ્યો છે, જ્યાં અમેરિકા અને યમનના હૂતી વચ્ચે સંઘર્ષ વધતો જઈ રહ્યો છે. આ વિસ્તાર છેલ્લા કેટલાક સમયથી યુદ્ધનું મેદાન બની ચૂક્યો છે, અને હવે ઈઝરાયેલ અને હિઝ્બુલ્લાહ વચ્ચેના સંઘર્ષે સ્થિતિને વધુ જટિલ બનાવી દીધી છે. આ ક્ષેત્રમાં અમેરિકાના સેન્ટ્રલ કમાન્ડની સૈન્ય પ્રવૃત્તિઓ વધી રહી છે અને તેલની કિંમતોમાં ઉછાળાની સંભાવના છે.
ચીન, ભારત અને વિશ્વ પર અસર
અમેરિકાના કેરિયર સ્ટ્રાઈક ગ્રુપ USS હેરી એ. ટ્રૂમેન દ્વારા લાલ સાગર વિસ્તારમાં તૈનાતી કરવામાં આવી હતી અને હૂતી પર હુમલો કરવામાં આવ્યો હતો, જેના પછી હૂતીએ પણ અમેરિકાના કેરિયર સ્ટ્રાઈક ગ્રુપ પર હુમલો કરવાનો દાવો કર્યો છે. આ સંઘર્ષ ફક્ત મધ્ય પૂર્વ સુધી મર્યાદિત નહીં રહેશે. જો લાલ સાગરના વેપાર માર્ગ પર વિઘ્ન આવે છે, તો તેનો પ્રભાવ વૈશ્વિક વેપાર અને ખાસ કરીને ભારતમાં એનર્જી ટ્રેડ પર પડશે, કારણ કે મોટા ભાગના તેલ અને વેપાર આ વિસ્તારથી પસાર થાય છે.
તેલની કિંમતોમાં સંભવિત ઉછાળ
લાલ સાગર અને અદનની ખાડીમાં વધતા સંઘર્ષોના કારણે વેપારજાહિજોના માર્ગમાં અવરોધ આવી શકે છે. આથી વૈશ્વિક પુરવઠાની શ્રેણી પર અસર પડી શકે છે અને તેલની કિંમતોમાં ઉછાળ આવી શકે છે. ભારત માટે આ વધુ મહત્વપૂર્ણ છે, કેમ કે તેનો 80 ટકાનો એનર્જી ટ્રેડ અરબી દરિયા માર્ગથી પસાર થાય છે.
પાયરેસી અને વેપાર માર્ગો પર અસર
લાલ સાગર વિસ્તાર અગાઉથી જ સમુદ્રમાં લૂંટિયા માટે પ્રસિદ્ધ છે, અને જો સંઘર્ષ વધારે છે, તો વેપાર જહાજોને પોતાનો માર્ગ બદલવાનો વિકલ્પ હશે. આથી વેપારમાં વધુ સમય લાગશે અને ખર્ચમાં પણ વધારો થશે.
આ સંઘર્ષના વધારાથી વૈશ્વિક સ્તરે તેલના પુરવઠા અને કિંમતો પર નકારાત્મક અસર પડી શકે છે, જેના કારણે વૈશ્વિક બજારમાં અસુથિરતા વધી શકે છે.
