Indias first bamboo mud factory: ઈંટો અને સિમેન્ટ વગર બની અનોખી ફેક્ટરી, ભારતના લોકો રહી ગયા દંગ
Indias first bamboo mud factory: ગુડગાંવમાં એક અનોખી ફેક્ટરી, Control Z, હાલમાં ચર્ચાનો વિષય બની છે. આ ફેક્ટરીની વિશેષતા એ છે કે તે ઈંટો અને કોંક્રિટ વગર, માત્ર વાંસ અને માટીથી બનાવવામાં આવી છે. ભારતની આ પહેલી ફેક્ટરી છે, જે સંપૂર્ણપણે પર્યાવરણને અનુકૂળ છે. અહીં જૂના મોબાઈલ રિપેર કરવામાં આવે છે અને તેમને નવા જેવા બનાવવામાં આવે છે.
આ વિચાર કેવી રીતે આવ્યો?
કંટ્રોલ ઝેડના સ્થાપક યુગ ભાટિયાના મતે, તેઓ ટકાઉ અને પર્યાવરણને અનુકૂળ ઉકેલો પર કામ કરી રહ્યા છે. તેઓ જૂના ફોન રિસાયકલ કરીને નવા જેવા બનાવે છે, તો ફેક્ટરી પણ કુદરતી સામગ્રીથી બનાવવાનો નિર્ણય લીધો.
મોટા પડકારો શું હતા?
ભારતમાં આવું બાંધકામ પહેલા ક્યારેય થયું નહોતું, તેથી કુશળ કારીગરો શોધવા મુશ્કેલ હતું. પશ્ચિમ બંગાળ અને આસામના નિષ્ણાતોને આ માટે બોલાવવામાં આવ્યા. તેમજ, હાઈ-ક્વોલિટી વાંસ મેળવીને તેને યોગ્ય રીતે તૈયાર કરવું પણ પડકારજનક હતું.
ફેક્ટરીની ખાસિયતો
આ ફેક્ટરી સંપૂર્ણપણે લાકડા અને માટીથી બનેલી છે, જે ઉનાળામાં ઠંડી અને શિયાળામાં ગરમ રહે છે. આ પ્રોજેક્ટ પર્યાવરણ સંરક્ષણ માટે ઉદાહરણરૂપ છે અને ટકાઉ બાંધકામ માટે પ્રેરણા પુરુ પાડે છે.
