Sam Pitroda સેમ પિત્રોડાએ ભાજપ નેતાના આરોપોને ફગાવી દીધા, કહ્યું,”ભારતમાં મારી પાસે કોઈ જમીન કે ઘર નથી”
Sam Pitroda ભારતીય જનતા પાર્ટી (ભાજપ) ના નેતા દ્વારા લગાવવામાં આવેલા આરોપોને નકારી કાઢતા, ઇન્ડિયન ઓવરસીઝ કોંગ્રેસના વડા સેમ પિત્રોડાએ બુધવારે કહ્યું કે તેમની પાસે ભારતમાં કોઈ જમીન, ઘર કે શેર નથી.
Sam Pitroda ભાજપના નેતા એનઆર રમેશે આરોપ લગાવ્યો છે કે સેમ પિત્રોડાએ વન વિભાગના અધિકારીઓ સહિત પાંચ વરિષ્ઠ સરકારી અધિકારીઓની મદદથી બેંગલુરુના યેલહંકામાં 150 કરોડ રૂપિયાની 12.35 એકર સરકારી જમીન ગેરકાયદેસર રીતે હસ્તગત કરી હતી.
બ્રુહત બેંગલુરુ મહાનગર પાલિકે (BBMP) ના ભૂતપૂર્વ કાઉન્સિલર રમેશે એન્ફોર્સમેન્ટ ડિરેક્ટોરેટ અને કર્ણાટક લોકાયુક્તને ફરિયાદ કરી છે.
પિત્રોડાએ સોશિયલ મીડિયા પ્લેટફોર્મ ‘X’ પર એક નિવેદનમાં જણાવ્યું હતું કે, “ભારતીય મીડિયામાં, ટેલિવિઝન અને પ્રિન્ટ બંને પર તાજેતરના અહેવાલોને ધ્યાનમાં રાખીને, હું સ્પષ્ટપણે કહેવા માંગુ છું કે – મારી પાસે ભારતમાં કોઈ જમીન, ઘર કે શેર નથી.”
અમેરિકા સ્થિત કોંગ્રેસ નેતાએ કહ્યું કે વધુમાં, ભારત સરકાર સાથે કામ કરતી વખતે – ભલે તે 1980 ના દાયકામાં વડા પ્રધાન રાજીવ ગાંધી સાથે હોય કે 2004 થી 2014 સુધી ડૉ. મનમોહન સિંહ સાથે રહ્યો પણ મેં ક્યારેય કોઈ પગાર લીધો નથી.
પિત્રોડાએ કહ્યું, “વધુમાં, હું સ્પષ્ટપણે એ વાત રેકોર્ડ પર રાખવા માંગુ છું કે મેં મારા 83 વર્ષના સમગ્ર જીવનમાં ક્યારેય ભારતમાં કે અન્ય કોઈ દેશમાં લાંચ આપી કે સ્વીકારી નથી. આ બિલકુલ સાચું છે.
