UP School Principal And Teacher Viral Video: શિક્ષણ જગતમાં શરમજનક ઘટના: શાળાના આચાર્યનો ક્રૂર વ્યવહાર કેમેરામાં કેદ
UP School Principal And Teacher Viral Video : સોશિયલ મીડિયામાં હમણાં શાહજહાંપુરની એક શાળાના આચાર્ય અને શિક્ષક વચ્ચેના ઝઘડાનો વીડિયો ભારે ચર્ચામાં છે. આ હેરાન કરનારી ઘટનામાં શાળાના આચાર્ય સુમિત પાઠક દ્વારા એક મહિલા શિક્ષિકા અને તેમના પતિ પર જાહેરમાં હુમલો કરવામાં આવ્યો હતો. વીડિયો કેમેરામાં કેદ થયો છે, જેમાં આચાર્ય બેલ્ટથી પતિને માર મારતા જોવા મળે .
શું છે સમગ્ર મામલો?
આ ઘટના ઉત્તર પ્રદેશના સિધૌલી પોલીસ સ્ટેશન વિસ્તારના લાધૌલી ગામની છે. જણાવી દઈએ કે શિક્ષિકા સાક્ષી કપૂરે આચાર્ય વિરુદ્ધ અગાઉ ફરિયાદ નોંધાવી હતી, જેના કારણે આ ઘર્ષણ ઉગ્ર સ્વરૂપ ધારણ કરતું જોવા મળ્યું. વિવાદ દરમિયાન, શિક્ષિકા તેમના પતિ સાથે શાળાના આચાર્ય સામે ઉભા રહી હતી, પરંતુ આચાર્ય અને તેમના સાથીદારોની તાકાત સામે તેઓ દુબળા પડી ગયા.
વિડિયોમાં શું જોવા મળે છે?
વિડિયોમાં, આચાર્ય સુમિત પાઠક બેલ્ટથી એક વ્યક્તિને માર મારતા સ્પષ્ટ જોવા મળે છે. મહિલા શિક્ષિકા ભયભીત અવાજે ચીસો પાડે છે, “બધા મારા પતિને માર મારી રહ્યા છે.” તે જ સમયે, કેટલાક લોકો વિદ્યાર્થી કે મકાનમાલિક જેવા સ્થાનિક લોકો છે, પરંતુ તેઓ ઝઘડામાં પક્ષ લેતા લાગે છે.
A case of beating of a teacher and her husband has come to light ( It is alleged that the principal of the school, Sumit Pathak, along with his colleagues, beat up the victim teacher and her husband when he comes to drop her) Shahjahanpur Up
pic.twitter.com/Y9MxSSdEVH— Ghar Ke Kalesh (@gharkekalesh) January 25, 2025
પોલીસની કાર્યવાહી
ઘટનાની જાણ થતાં જ પોલીસ સ્થળ પર પહોંચી હતી અને આચાર્ય સહિત સામેલ લોકોની અટકાયત કરી હતી. શાહજહાંપુર પોલીસના જણાવ્યા મુજબ, શાળા અને નિમણૂકની પ્રક્રિયાને લઈને આ વિવાદ થયો હતો. પોલીસે ઘટનાની વિગતવાર તપાસ શરૂ કરી છે અને ગુનેગારો સામે કડક પગલાં લેવાની ખાતરી આપી છે.
સોશિયલ મીડિયા પર લોકોની પ્રતિક્રિયાઓ
આ વીડિયો સોશિયલ મીડિયા પર વાયરલ થતાની સાથે જ યુઝર્સમાં ઉગ્ર પ્રતિક્રિયાઓ જોવામાં આવી છે. એક યુઝરે લખ્યું, “આ તો ફિલ્મી દ્રશ્ય લાગે છે, પણ વાસ્તવમાં શરમજનક છે.” બીજા એક યુઝરે કહ્યું, “આચાર્ય જેવા પદ પર આ કરતૂતો ખૂબ જ નિંદનીય છે.”
આ ઘટના શૈક્ષણિક જગતની પવિત્રતાને દાગ લગાવે છે અને સંબંધિત પ્રશાસન દ્વારા જલદી અને યોગ્ય પગલાં લેવામાં આવે તેવી લોકો આશા રાખી રહ્યા છે.
