Viral Video : રીલ માટે કોરડા મારવાની સજા: બે છોકરીઓની ધરપકડ, જાણો કયા દેશમાં!
Viral Video : આજકાલ લોકો ક્યાંક નાચીને રીલ્સ બનાવવાનું શરૂ કરે છે. કેટલાક લોકો સામે કાર્યવાહી થાય છે પરંતુ ઈરાનમાં, ડાન્સ કરીને રીલ બનાવતી બે છોકરીઓની ધરપકડ કરવામાં આવી છે. તેમના ડાન્સનો વીડિયો સોશિયલ મીડિયા પર વાયરલ થયો, ત્યારબાદ પોલીસે કાર્યવાહી કરી. ઈરાની કાયદા મુજબ, હવે તેમને કોરડા મારવાની સજા આપવામાં આવશે.
વીડિયોમાં બે છોકરીઓ ડાન્સ કરી રહી હોય તેવું જોવા મળે છે. બંને કિશોરો હોવાનું જણાવવામાં આવી રહ્યું છે. તેના પર કથિત રીતે તેહરાનમાં પવિત્ર સંરક્ષણ યુદ્ધ સ્મારકમાં નૃત્ય કરતી રીલ્સ બનાવવાનો આરોપ છે. આ સ્મારક ૧૯૮૦ થી ૧૯૮૨ દરમિયાન થયેલા ઈરાન-ઈરાક યુદ્ધમાં મૃત્યુ પામેલા લોકોને શ્રદ્ધાંજલિ છે. ઈરાની અધિકારીઓએ કહ્યું છે કે છોકરીઓના કપડાં “અયોગ્ય” હતા અને બંને છોકરીઓના ઇન્સ્ટાગ્રામ એકાઉન્ટ બ્લોક કરી દેવામાં આવ્યા છે.
https://twitter.com/AviKaner/status/1882937155372322968
૧૯૭૯માં ઇસ્લામિક ક્રાંતિ પછી ઈરાની કાયદા હેઠળ નૃત્ય પર પ્રતિબંધ છે. જોકે હજુ સુધી એ સ્પષ્ટ નથી થયું કે બંને છોકરીઓને શું સજા આપવામાં આવશે, પરંતુ ઈરાની દંડ સંહિતાની કલમ 637 મુજબ, જાહેરમાં નૃત્ય કરવું એ ગુનો માનવામાં આવે છે, પછી ભલે તે નૃત્ય પુરુષ દ્વારા કરવામાં આવે કે સ્ત્રી દ્વારા. ગુનેગારને કોરડા મારવાની સજા થઈ શકે છે. કાયદા મુજબ, સજા 99 કોરડા હોઈ શકે છે.
આ બે છોકરીઓ નૃત્ય કરીને ઈરાનના કાયદાનું ઉલ્લંઘન કરનારી પહેલી છોકરીઓ નથી. ૨૦૧૪ માં પણ ૬ યુવક-યુવતીઓને એક વર્ષની જેલ અને ૯૧ કોરડા મારવાની સજા ફટકારવામાં આવી હતી. 2018 માં, 18 વર્ષીય મેદેહ હોજાબારીને સોશિયલ મીડિયા પર તેના ડાન્સનો વીડિયો શેર કર્યા બાદ ધરપકડ કરવામાં આવી હતી.
ગયા વર્ષે નવેમ્બરમાં પણ ઈરાનમાં 16 વર્ષની એક છોકરીએ આત્મહત્યા કરી હતી. એવું કહેવામાં આવ્યું હતું કે હિજાબ વગર ડાન્સ કરતી વખતે તેનો વીડિયો રેકોર્ડ કર્યા પછી તેને શાળામાંથી કાઢી મૂકવાની ધમકી આપવામાં આવી હતી. શિક્ષણ વિભાગ દ્વારા જારી કરાયેલા એક નિવેદનમાં કહેવામાં આવ્યું છે કે તેણી ‘રહેણાંક મકાનની ઊંચાઈ પરથી પડી જવાથી ઘાયલ થઈ હતી’.
