Kuber Dindore Announcement: ગુજરાતના શિક્ષકો માટે મહત્વના સમાચાર, શિક્ષણ મંત્રી કુબેર ડીંડોરે કરી મોટી જાહેરાત
રાજ્યમાં પ્રથમ વખત HTAT આચાર્યો માટે જિલ્લા મેળા બદલી ઓફલાઈન કેમ્પનું આયોજન 01-01-2025 થી 07-01-2025 દરમિયાન થશે
ટ્રાન્સફર માટેની અરજી 7 જાન્યુઆરી સુધી કરી શકાશે, અને ઓર્ડર 27મી જાન્યુઆરી સુધીમાં આપવામાં આવશે.
Kuber Dindore Announcement: ગુજરાત સરકારે રાજ્યના શિક્ષકો માટે મોટી જાહેરાત કરી છે. રાજ્યમાં પ્રથમ વખત HTAT આચાર્યો માટે જિલ્લા મેળા બદલી ઓફલાઈન કેમ્પનું આયોજન કરવામાં આવશે.
01-01-2025 થી 07-01-2025 દરમિયાન ઓફલાઈન કેમ્પનું આયોજન કરવામાં આવશે. HTAT પ્રિન્સિપાલ દ્વારા કરવામાં આવેલી અરજીઓ ચકાસવી જોઈએ અને તારીખ 10-01-2025 સુધી માન્ય કારણો સાથે જિલ્લા સ્તરે રજૂ કરવી જોઈએ.
ઓફલાઈન કેમ્પનું આયોજન કરવામાં આવશે
ટ્રાન્સફર માટેની અરજી આજથી 7 જાન્યુઆરી સુધી કરી શકાશે. આચાર્યો ટ્રાન્સફર માટે ઓનલાઈન અરજી કરી શકે છે. 27મી જાન્યુઆરી સુધીમાં શાળાની પસંદગી કરી ઓર્ડર આપવામાં આવશે. શિક્ષણ મંત્રી કુબેર ડીંડોરે ટ્વિટર પર આની જાહેરાત કરી હતી.
નવું વર્ષ શરૂ થાય તે પહેલા જ શિક્ષકો માટે આ સારા સમાચાર છે. શિક્ષણ મંત્રી કુબેર ડીંડોરે પોતાના બ્લોગ પર આ માહિતી આપી છે. જ્યારે તાલુકા પ્રાથમિક શિક્ષણાધિકારી દ્વારા રજુ કરાયેલ માન્ય અરજીઓની ચકાસણી અને અરજદારને લેખિત કારણો સાથે જાણ કરવાનો સમય 16-01-2025 નક્કી કરવામાં આવ્યો છે.
માન.મુખ્યમંત્રી શ્રી @Bhupendrapbjp સાહેબના નેતૃત્વમાં રાજ્ય સરકાર દ્વારા પ્રથમવાર HTAT મુખ્ય શિક્ષકો માટે જિલ્લા ફેર બદલી ઓફલાઇન કેમ્પનું આયોજન.. pic.twitter.com/WtP290SWrs
— Dr. Kuber Dindor (@kuberdindor) December 31, 2024
17-01-2025 તારીખ HTAT પ્રિન્સિપાલ દ્વારા કરવામાં આવેલી તમામ અરજીઓ માટે નક્કી કરવામાં આવી છે જેથી કરીને તમામ આધાર પુરાવા સાથે જિલ્લાવાર અરજીઓ મંજૂરી માટે તૈયાર કરી શકાય અને મૂળ અરજીઓ સંબંધિત જિલ્લાઓમાં સબમિટ કરી શકાય.
