Agriculture Loan : બેંકો ખેડૂતો અને FPO ને પૈસા આપવા માટે આગળ આવી રહી છે, DCB બેંક ડેરી-ફિશ ફાર્મિંગ માટે લોન આપી રહી છે
ડીસીબી બેંક હવે ખેડૂત ઉત્પાદક સંગઠનો (FPOs) ને તેમની નાણાકીય જરૂરિયાતોને પૂર્ણ કરવા માટે લોન આપતી થઇ
બેંક વિવિધ કૃષિ લોનની સુવિધાઓ પૂરી પાડે છે જેમ કે ટ્રેક્ટર લોન, ગોલ્ડ લોન અને માઇક્રોફાઇનાન્સ લોન
Agriculture Loan : સરકારી બેંકોની સાથે ખાનગી બેંકો પણ લોન દ્વારા ખેતી અને સંબંધિત પ્રવૃત્તિઓ માટે જરૂરી નાણાં પૂરા પાડવા માટે ઝડપી પગલાં લઈ રહી છે. છેલ્લા કેટલાક વર્ષોમાં ખાનગી ક્ષેત્રની કંપનીઓએ ખેડૂતોને ખેતીના હેતુ માટે લોન આપવાનું શરૂ કર્યું છે. આ બદલાવ જોઈને હવે ખાનગી ક્ષેત્રની બેંકો પણ કૃષિ લોન આપવા લાગી છે. ડીસીબી બેંકના એગ્રી લોનના વડાએ કહ્યું કે અમે ખેડૂત ઉત્પાદક સંગઠનોને તેમની જરૂરિયાત મુજબ લોન આપવાનું શરૂ કર્યું છે.
DCB બેંક FPO ને લોન આપી રહી છે
મુંબઈ સ્થિત ખાનગી ક્ષેત્રની વ્યાપારી બેંક DCB બેંકે તાજેતરમાં કૃષિ ક્ષેત્રમાં વિવિધ ઉત્પાદનોની ઓફર કરવા ઉપરાંત ખેડૂત ઉત્પાદક સંગઠનો (FPOs) ને લોન આપવાનું શરૂ કર્યું છે. ડીસીબી બેંકના રિટેલ અને એગ્રીકલ્ચર લોનના વડા નરેન્દ્રનાથ મિશ્રાએ જણાવ્યું હતું કે કૃષિ અને સંલગ્ન ક્ષેત્રોની નાણાકીય જરૂરિયાતોને પહોંચી વળવા માટે લોનની માંગમાં સતત વધારો થઈ રહ્યો છે.
ક્રોપ ફાઇનાન્સથી લઈને ગોલ્ડ લોન સુધી
કૃષિ લોન એ બેંક માટે એક રસપ્રદ વ્યવસાય પ્રસ્તાવ છે અને DCB બેંક બે દાયકાથી આ ક્ષેત્રમાં હાજર છે. બેંકે ગ્રાહકોની જરૂરિયાતોને અનુરૂપ વિવિધ કૃષિ લોન ઉત્પાદનો રજૂ કર્યા છે. નરેન્દ્રનાથ મિશ્રાએ જણાવ્યું હતું કે લોન ઉત્પાદનોમાં ટ્રેક્ટર અને કૃષિ સાધનોની લોન, કિસાન ક્રેડિટ કાર્ડ્સ, માઇક્રોફાઇનાન્સ લોન, ક્રોપ ફાઇનાન્સ સંસ્થાઓ અને નોન-બેંકિંગ ફાઇનાન્સ કંપનીઓ (એનબીએફસી) દ્વારા લોન તેમજ ખેડૂતોને ગોલ્ડ લોન પ્રોડક્ટ્સનો સમાવેશ થાય છે.
માછલી અને મરઘાં માટે પણ આર્થિક મદદ
ડીસીબી બેંકના અધિકારીએ કહ્યું કે અમે ડેરી, ફિશરીઝ અને પોલ્ટ્રી જેવા કૃષિ અને કૃષિ સંબંધિત ક્ષેત્રો માટે લોનની સુવિધા આપી રહ્યા છીએ. તેમણે કહ્યું કે DCB બેંક મહિલા ખેડૂતોને તમામ કૃષિ લોન કાર્યક્રમોમાં લોન લેવા માટે પ્રોત્સાહિત કરે છે. ખેતી કરતી મહિલાઓને મહત્વ આપવામાં આવી રહ્યું છે. તેમણે કહ્યું કે ડેરી, મરઘાં કે અન્ય કૃષિ સંબંધિત કામો માટે બિઝનેસ કોરોસ્પોન્ડન્ટ્સ દ્વારા માઇક્રોફાઇનાન્સ લોનની સુવિધા આપવામાં આવી રહી છે.
તેમણે કહ્યું કે ડીસીબી બેંક ખાસ કરીને કૃષિ લોન પર ધ્યાન કેન્દ્રિત કરે છે. કિસાન ક્રેડિટ કાર્ડ, ટ્રેક્ટર લોન અને માઇક્રોફાઇનાન્સ માટે બેંક પાસે ખાસ વર્ટિકલ છે. તેમણે કહ્યું કે બેંક કૃષિ અને સંલગ્ન ક્ષેત્રો જેમ કે ડેરી, માછીમારી અને મરઘાંને લોન આપે છે. બેંક કૃષિ હેતુઓ માટે લઘુત્તમ 18 ટકા લોન આપવાની રિઝર્વ બેંક ઓફ ઈન્ડિયાની માર્ગદર્શિકાને પૂર્ણ કરી રહી છે.
કૃષિ ખર્ચમાં વધારો થવાને કારણે નાણાકીય જરૂરિયાતો પણ વધી છે
ડીસીબી બેંકના રીટેલ અને એગ્રીકલ્ચર લોનના વડાએ જણાવ્યું હતું કે કૃષિ લોનની માંગ સતત વધી રહી છે. હાઇટેક ખેતી, ખેતરોમાં યાંત્રિકીકરણ, ઈનપુટ્સની કિંમતમાં વધારો થવાને કારણે ખેડૂતોની આર્થિક જરૂરિયાતો વધી છે. તેમણે કહ્યું કે DCB બેંક પ્રધાનમંત્રી ફસલ વીમા યોજના હેઠળ સૂચિબદ્ધ તમામ પાક માટે વીમો પ્રદાન કરે છે અને ખેડૂતોને પાક વીમાના લાભો પણ જણાવે છે. આ કારણે તેમના પાકના નુકસાનમાં ઘટાડો થયો છે.
