Employees Dearness allowance : ગુજરાતના સરકારી કર્મચારીઓ માટે ખુશખબર: મોંઘવારી ભથ્થામાં 7% વધારો, 5 મહિનાનું એરિયર્સ મંજૂર
રાજ્ય સરકારએ મોંઘવારી ભથ્થામાં 7% નો વધારો કરીને 5 મહિનાનું એરિયર્સ ચુકવવાનો નિર્ણય કર્યો
1 જુલાઈ 2024થી 246% મોંઘવારી ભથ્થા સાથે 5 મહિનાનું એરિયર્સ ડિસેમ્બરમાં ચૂકવવામાં આવશે
અમદાવાદ, સોમવાર
Employees Dearness allowance: નવા વર્ષ 2025ની શરૂઆત પહેલા રાજ્ય સરકારે સરકારી કર્મચારીઓને મોટી ભેટ આપી છે. સરકારી કર્મચારીઓ અને પેન્શનરો માટે 7% મોંઘવારી ભથ્થાના વધારા સાથે 5 મહિનાનું એરિયર્સ ચુકવવાની જાહેરાત કરવામાં આવી છે. આ જાહેરાત નાણા વિભાગ દ્વારા સત્તાવાર પરિપત્ર દ્વારા કરવામાં આવી છે, જેનો લાભ લાખો સરકારી કર્મચારીઓ અને પેન્શનરોને થશે.
7% મોંઘવારી ભથ્થા વધારાની જાહેરાત
રાજ્ય સરકારે છઠ્ઠા પગારપંચ હેઠળના સરકારી કર્મચારીઓના મોંઘવારી ભથ્થામાં 7%નો વધારો કરી 239%થી 246% સુધી વધારાની જાહેરાત કરી છે. આ નવા દર 1 જુલાઈ 2024થી લાગુ થશે. ડિસેમ્બર 2024ના પગાર સાથે 5 મહિનાના એરિયર્સનું ચુકવણું પણ કરવામાં આવશે.
કર્મચારીઓ માટે શું છે નવું?
મોંઘવારી ભથ્થા માં વધારો: 1 જુલાઈ 2024થી 246% મોંઘવારી ભથ્થા લાગુ પડશે.
5 મહિનાનું એરિયર્સ: જુલાઈ 2024થી નવેમ્બર 2024 સુધીના મહિના માટેના એરિયર્સ જાન્યુઆરી 2025માં ચૂકવવામાં આવશે.
પેન્શનરોને ફાયદો: પેન્શનરો માટે પણ સમાન હેતુસર મોંઘવારી ભથ્થા અને એરિયર્સની ચુકવણી કરવામાં આવશે.
જરૂરી પોઇન્ટ્સ નાણા વિભાગના પરિપત્ર મુજબ:
કર્મચારી પાત્રતા:
તમામ સરકારી કર્મચારીઓ, પંચાયત કર્મચારીઓ, માધ્યમિક-ઉચ્ચતર માધ્યમિક શાળાઓના સ્ટાફને આ હુકમ હેઠળ લાભ મળશે.
ચુકવણાંની પદ્ધતિ:
5 મહિનાના એરિયર્સને રોકડ ચુકવવામાં આવશે, અને નવા દર મુજબનો મોંઘવારી ભથ્થો દર મહિને પગારમાં ઉમેરવામાં આવશે.
વિશિષ્ટ શરતો:
મોંઘવારી ભથ્થા ના હિસાબે 50 પૈસા અથવા તેથી વધુ રકમ પૂરા રૂપિયામાં ગણી લેવામાં આવશે, જ્યારે 50 પૈસા કરતાં ઓછી રકમ ગણતરીમાં લેવામાં નહીં આવે.
અન્ય કર્મચારીઓ માટે જોગવાઈ:
પ્રાથમિક શિક્ષકો, પંચાયતમાં પ્રતિનિયુક્તિ પર રહેલા કર્મચારીઓ તેમજ સ્થાનિક સંસ્થાઓના કર્મચારીઓ માટે આ હુકમ લાગુ પડશે.
કર્મચારીઓ અને પેન્શનરો માટે મોટી રાહત
આ નિર્ણયથી રાજ્યના કર્મચારીઓ અને પેન્શનરોને નાણાકીય રાહત મળશે. મોંઘવારી ભથ્થા વધારાના લાભથી તેમનું જીવન ધોરણ વધુ સારી રીતે જાળવી શકાય છે.
આમ, રાજ્ય સરકારનો આ નિર્ણય નવ વર્ષના પ્રારંભે સરકારી કર્મચારીઓ માટે નાણાકીય ભેટ સમાન સાબિત થશે.
