UPSC NDA 2025 : આર્મીમાં ઓફિસર બનવા માટે તક: UPSC NDA અને CDS નોટિફિકેશન જાહેર, અરજી પ્રક્રિયા શરુ

UPSC NDA અને CDS પરીક્ષા 2025 માટે નોટિફિકેશન જાહેર, 31 ડિસેમ્બર 2024 સુધી ઓનલાઇન અરજી કરી શકાય

આર્મી, નૌકાદળ અને વાયુસેનામાં કુલ 863 જગ્યાઓ માટે ભરતીની તક, શૈક્ષણિક લાયકાત અને વય મર્યાદા મુજબ અરજી કરવી

નવી દિલ્હી, ગુરુવાર
UPSC NDA 2025 : યુનિયન પબ્લિક સર્વિસ કમિશન (UPSC) એ NDA અને CDS પરીક્ષા 2025 માટે નોટિફિકેશન જાહેર કર્યું છે, જે સેનામાં ઓફિસર બનવા ઇચ્છુક ઉમેદવારો માટે સારો મોકો છે. આ માટે અરજીઓ ઓનલાઈન સ્વીકારવામાં આવી રહી છે. અરજીની છેલ્લી તારીખ 31 ડિસેમ્બર 2024 છે, જ્યારે ફોર્મમાં સુધારા માટે 1 જાન્યુઆરીથી 7 જાન્યુઆરી 2025 સુધીનો સમય અપાયો છે.

NDA અને NA-I 2025: પરીક્ષા અને ખાલી જગ્યા
NDA અને NA-I પરીક્ષા 13 એપ્રિલ 2025ના રોજ યોજાશે. આ ભરતી પ્રક્રિયા દ્વારા કુલ 406 જગ્યાઓ પર નિમણૂક થશે. આમાં આર્મી, નૌકાદળ અને વાયુસેના માટે વિવિધ ખાલી જગ્યાઓ ઉપલબ્ધ છે:

આર્મી: 208 જગ્યાઓ (10 મહિલા માટે)
નેવી: 42 જગ્યાઓ (6 મહિલા માટે)
એરફોર્સ (ફ્લાઈંગ): 92 જગ્યાઓ (2 મહિલા માટે)
એરફોર્સ (ગ્રાઉન્ડ ડ્યુટી): ટેકનિકલ – 18, નોન ટેકનિકલ – 10 (દરેકમાં 2 મહિલા પોસ્ટ્સ)
નેવલ એકેડમી: 36 જગ્યાઓ (5 મહિલા માટે).

શૈક્ષણિક લાયકાત અને વય મર્યાદા
આર્મી માટે: 12મું પાસ હોવું જોઈએ.
એરફોર્સ અને નેવી માટે: ભૌતિકશાસ્ત્ર, રસાયણશાસ્ત્ર અને ગણિત સાથે 12મું પાસ આવશ્યક છે.
વય મર્યાદા: 2 જુલાઈ 2006થી 1 જુલાઈ 2009 વચ્ચે જન્મેલ ઉમેદવારો અરજી કરી શકે છે.

CDS 2025: પરીક્ષા અને ખાલી જગ્યા
CDS પરીક્ષા દ્વારા 457 ઉમેદવારોની પસંદગી થશે. આમાં ભારતીય સૈન્ય એકેડેમી (IMA), નૌકાદળ અને વાયુસેના માટે નિયુક્તિ થશે.

IMA અને OTA: કોઈપણ શાખામાં ડિગ્રી.
નેવલ એકેડેમી: એન્જિનિયરિંગ ડિગ્રી.
એરફોર્સ: 12મું ભૌતિકશાસ્ત્ર અને ગણિત સાથે પાસ અથવા એન્જિનિયરિંગ ડિગ્રી.
વય મર્યાદા: 2 જાન્યુઆરી 2002થી 1 જાન્યુઆરી 2006 વચ્ચે જન્મેલ ઉમેદવારો.

અરજી ફી
SC/ST અને મહિલા ઉમેદવારો માટે ફી માફ છે. અન્ય ઉમેદવારો માટે ફી રૂ. 100 છે.
વધુ માહિતી માટે UPSCની વેબસાઈટ upsc.gov.in પર મુલાકાત લો. આ નોટિફિકેશન દેશના યુવા લોકોને સેવામાં જોડાવા માટે સોનેરી તક આપે છે.