Champions Trophy 2025: પાકિસ્તાન પાસેથી છીનવાઈ શકે છે ચેમ્પિયન્સ ટ્રોફીની હોસ્ટિંગ
Champions Trophy 2025: ચેમ્પિયન્સ ટ્રોફી 2025ની યજમાની પાકિસ્તાન પાસેથી છીનવાઈ શકે છે, આ કારણ છે બીસીસીઆઈનું દબાણ નહીં. પાકિસ્તાને મોટા દાવા કર્યા હતા, પરંતુ હવે તેની સ્થિતિ બદલાતી જોવા મળી રહી છે. પાકિસ્તાનમાં તાજેતરના રાજકીય વિરોધ અને અસ્થિરતાને પગલે, ચેમ્પિયન્સ ટ્રોફી 2025 હવે અન્ય દેશમાં યોજાય તેવી શક્યતા છે. આ અસ્થિરતા અને સુરક્ષાની ચિંતાઓને કારણે, ICC (આંતરરાષ્ટ્રીય ક્રિકેટ કાઉન્સિલ) પાકિસ્તાન પાસેથી આ ટુર્નામેન્ટની યજમાની છીનવી શકે છે, અને સ્થળ બદલવાની વિચારણા થઈ શકે છે.
મોટી બડાઈઓ કર્યા બાદ હવે પાકિસ્તાનનું વલણ નરમ પડતું જોવા મળી રહ્યું છે.
પાકિસ્તાનમાં તાજેતરના રાજકીય વિરોધ અને અસ્થિરતાને પગલે, ચેમ્પિયન્સ ટ્રોફી 2025 હવે અન્ય દેશ દ્વારા યોજવામાં આવે તેવી શક્યતા છે. ઈસ્લામાબાદમાં ચાલી રહેલા રાજકીય વિરોધની અસર રમતગમત પર પણ દેખાઈ રહી છે. શ્રીલંકાની ‘A’ ટીમે પાકિસ્તાન શાહિન્સ સામે ચાલી રહેલી ODI શ્રેણી અધવચ્ચે છોડી દીધી છે અને હવે તે પોતાના દેશ પરત ફરી રહી છે.
સૂત્રોના જણાવ્યા અનુસાર, આ ઘટના ICC બોર્ડની વર્ચ્યુઅલ બેઠકના એક દિવસ પહેલા આવી છે
જે 2025 ચેમ્પિયન્સ ટ્રોફીના સ્થળ પર નિર્ણય લેશે. કેટલાક અન્ય દેશો દ્વારા સુરક્ષાની ચિંતાઓ ઉભી કરવામાં આવતાં, ઘટનાને પાકિસ્તાનની બહાર ખસેડવાનો ખતરો વધી ગયો છે. વધતા દબાણને કારણે પાકિસ્તાન ક્રિકેટ બોર્ડ (PCB) હવે આ ટૂર્નામેન્ટને હાઇબ્રિડ મોડલમાં આયોજિત કરવાનું વિચારી શકે છે.
પાકિસ્તાનમાં સફળતાપૂર્વક આંતરરાષ્ટ્રીય ક્રિકેટનું આયોજન કરવાના દાવાઓને મંગળવારે મોટો ફટકો પડ્યો જ્યારે શ્રીલંકા ‘A’ ટીમે પાકિસ્તાનની રાજધાનીમાં ચાલી રહેલા રાજકીય તણાવને કારણે તેનો પ્રવાસ રદ કર્યો. જેના પગલે પીસીબીએ પાકિસ્તાન શાહિન્સ અને શ્રીલંકા ‘એ’ વચ્ચેની છેલ્લી બે વનડે મેચ સ્થગિત કરી દીધી હતી. રદ કરાયેલી મેચો બુધવાર અને શુક્રવારે રમવાની હતી.
