Sachin Pilot: મહારાષ્ટ્ર-ઝારખંડ વિધાનસભા ચૂંટણી પર સચિન પાયલટનું મોટું નિવેદન, ‘કેન્દ્ર સરકાર સત્તામાં…’
Sachin Pilot: મહારાષ્ટ્ર અને ઝારખંડ વિધાનસભા ચૂંટણી પર કોંગ્રેસ નેતા સચિન પાયલટે મોટું નિવેદન આપ્યું છે. તેમણે કહ્યું છે કે મહારાષ્ટ્રના લોકો સમજી ગયા છે કે અહીં ચાલાકીની રાજનીતિ ચાલી રહી છે. ભાજપ અને તેના સાથી પક્ષો દ્વારા કરવામાં આવતી લૂંટ અને ભ્રષ્ટાચારનો જનતા જવાબ આપશે.
ઝારખંડ ચૂંટણીને લઈને સચિન પાયલટે કહ્યું કે ભાજપ બેકફૂટ પર છે. તેમણે કહ્યું, “ઝારખંડના સીએમને બળજબરીથી જેલમાં ધકેલી દેવામાં આવ્યા. જનતા જાણે છે કે કેન્દ્ર સરકાર સત્તામાં રહેવા માટે સરકારી એજન્સીઓનો દુરુપયોગ કરે છે.”
આ ઉપરાંત રાજસ્થાન પેટાચૂંટણી પર તેમણે કહ્યું કે, “મોટા નેતાઓને પ્રચાર માટે મોકલીને કોઈ પણ પાર્ટીને મત નથી મળતા. તમારે લોકો માટે કામ કરવું પડશે અને તેમનો વિશ્વાસ જીતવો પડશે. અહીંના લોકોએ તેમનો નિર્ણય લીધો છે અને તેઓ તેમને જ મત આપશે. કોંગ્રેસ પાર્ટી આપશે.” આ રાજસ્થાન સરકારે બહુ ઓછા સમયમાં લોકોનો વિશ્વાસ ગુમાવ્યો છે.”
