Maharashtra: આદિત્ય ઠાકરે વિરુદ્વ વર્લીથી લડશે મિલિંદ દેવરા, શિવસેના(શિંદે)એ કરી જાહેરાત
Maharashtra: મહારાષ્ટ્રના મુખ્ય પ્રધાન એકનાથ શિંદેની આગેવાની હેઠળ શિવસેનાનું જૂથ વિધાનસભા ચૂંટણી માટે વર્લીથી રાજ્યસભાના સાંસદ મિલિંદ દેવરાને મેદાનમાં ઉતારશે. એક દિવસ અગાઉ, શિવસેના (UBT) નેતા આદિત્ય ઠાકરેએ આ જ મતવિસ્તાર માટે ઉમેદવારી નોંધાવી હતી.
મિલિંદ દેવરા હાલમાં રાજ્યસભાના સભ્ય છે અને દક્ષિણ મુંબઈથી ત્રણ વખત સાંસદ રહી ચૂક્યા છે. દેવરાને લોકસભા ચૂંટણી દરમિયાન વર્લીનું સંચાલન કરવાની જવાબદારી સોંપવામાં આવી હતી.
Maharashtra તમને જણાવી દઈએ કે આદિત્યનો મતવિસ્તાર હોવા છતાં, યુબીટીને વર્લી વિધાનસભામાં માત્ર 6500 મતોની લીડ મળી હતી. દેવરા અને આદિત્ય ઠાકરેને MNSના સંદીપ દેશપાંડે સાથે પણ સામનો કરવો પડશે જેમને આ મતવિસ્તારમાંથી ટિકિટ આપવામાં આવી છે.
ગુરુવારે શિવસેના (UBT) જૂથના નેતા આદિત્ય ઠાકરેએ વર્લી વિધાનસભા મતવિસ્તારમાંથી ઉમેદવારી નોંધાવી હતી. નોમિનેશન ફાઇલ કરતા પહેલા સાથે વાત કરતા આદિત્ય ઠાકરેએ કહ્યું કે તેમને વિશ્વાસ છે કે જનતા તેમને આશીર્વાદ આપશે.
તેમણે કહ્યું, “મને વિશ્વાસ છે કે લોકો મને આશીર્વાદ આપશે, કારણ કે અમે મહારાષ્ટ્રમાં સરકાર બનાવવા જઈ રહ્યા છીએ અને તે નિશ્ચિત છે. જેમ તમે જોઈ શકો છો, વાતાવરણ ખૂબ સારું છે, તમે જોઈ શકો છો કે લોકો મને કેટલું સમર્થન આપી રહ્યા છે. લોકોનાં પ્રેમ સાથે નોમિનેશન ફાઇલ કરીશ.”
શિવસેનાના નેતા અરવિંદ સાવંતે પણ વર્લી બેઠક પરથી આદિત્ય ઠાકરેની જીતનો વિશ્વાસ વ્યક્ત કર્યો હતો.
અરવિંદ સાવંતે કહ્યું, “તેમનું (આદિત્ય ઠાકરે) નામ નવું નથી, આખું મહારાષ્ટ્ર તેમને ઓળખે છે અને તેઓ દેશભરમાં અને વિદેશમાં પણ જાણીતા છે. તેમના દ્વારા કરવામાં આવેલ કામ એટલું મહત્વનું છે કે તેમને દરેકની પ્રશંસા મળે છે અને તેઓ લોકોના હૃદયમાં છે”
શાસક મહાયુતિ ગઠબંધન અને વિપક્ષ મહા વિકાસ અઘાડી (MVA) – જેમાં શિવસેના (UBT), NCP (શરદ પવાર જૂથ) અને કોંગ્રેસનો સમાવેશ થાય છે. બંનેએ રાજ્યની 288 વિધાનસભા બેઠકો માટેની આગામી ચૂંટણી માટે તેમની તૈયારીઓ ઝડપી કરી દીધી છે. ભાજપ શિવસેના (એકનાથ શિંદે જૂથ) અને અજિત પવારની આગેવાની હેઠળની NCP સાથે સત્તાધારી મહાયુતિ ગઠબંધનનો ભાગ છે.
મહારાષ્ટ્ર વિધાનસભાની ચૂંટણી 20 નવેમ્બરે યોજાશે અને તમામ 288 મતવિસ્તારોની મતગણતરી 23 નવેમ્બરે થશે. 2019ની વિધાનસભા ચૂંટણીમાં ભાજપે 105 બેઠકો, શિવસેનાએ 56 બેઠકો અને કોંગ્રેસે 44 બેઠકો જીતી હતી. 2014માં ભાજપે 122 બેઠકો, શિવસેનાએ 63 અને કોંગ્રેસને 42 બેઠકો મળી હતી.
