Jharkhand Election 2024: ચંપાઈ સોરેન કઈ સીટ પરથી ચૂંટણી લડશે?
Jharkhand Election 2024:માહિતી આપતી વખતે, ઝારખંડના પૂર્વ મુખ્યમંત્રી અને ભાજપના નેતા ચંપાઈ સોરેને કહ્યું કે વિધાનસભા ચૂંટણી માટે પાર્ટીના ઉમેદવારોની યાદી ટૂંક સમયમાં જાહેર કરવામાં આવશે.
Jharkhand Election 2024:ઝારખંડમાં વિધાનસભા ચૂંટણીની તારીખોની જાહેરાત બાદ રાજકીય હલચલ વધુ તેજ થઈ ગઈ છે. ચૂંટણીની તૈયારીઓને લઈને દિલ્હીમાં ભાજપની મહત્વની બેઠક મળી છે. દરમિયાન રાજ્યના પૂર્વ મુખ્યમંત્રી ચંપાઈ સોરેને દાવો કર્યો છે કે ભાજપ સારું પ્રદર્શન કરશે. તેમણે ઉમેદવારોની યાદી અને ભાજપની બેઠક અંગે પૂછાયેલા પ્રશ્નોના જવાબ પણ આપ્યા છે.
#WATCH | Ranchi | On returning after meeting with BJP leadership ahead of Jharkhand Assembly elections, party leader Champai Soren says, "It (list of candidates) will be released soon. I will contest from the place party asks me to do so…BJP will perform well and form the… pic.twitter.com/F3dVyUhb3w
— ANI (@ANI) October 16, 2024
ઝારખંડ વિધાનસભા ચૂંટણી પહેલા બીજેપી નેતૃત્વ સાથેની બેઠકમાંથી પરત ફરતા પાર્ટીના નેતા ચંપાઈ સોરેને કહ્યું કે, આ બેઠક રાજ્યમાં આગામી વિધાનસભા ચૂંટણીને ધ્યાનમાં રાખીને કરવામાં આવી છે ટૂંક સમયમાં ઉમેદવારોની યાદી જાહેર કરવામાં આવશે.
ઝારખંડમાં ભાજપની સરકાર બનશે- ચંપાઈ સોરેન
જ્યારે તેમને પૂછવામાં આવ્યું કે તેઓ કઈ સીટ પરથી ચૂંટણી લડશે? આ સવાલ પર તેમણે કહ્યું કે, પાર્ટી મને જ્યાંથી ચૂંટણી લડવાનું કહેશે ત્યાંથી હું ચૂંટણી લડીશ. અમારી ઝારખંડમાં દરેક જગ્યાએ તૈયારીઓ છે. અમે ખૂબ જ મજબૂત રીતે તૈયાર છીએ. ભાજપ ઝારખંડમાં સારું પ્રદર્શન કરશે અને સરકાર બનાવશે.
ઝારખંડ બીજેપી અધ્યક્ષ બાબુલાલ મરાંડીએ શું કહ્યું?
બીજી તરફ ભાજપ નેતૃત્વ સાથેની બેઠક બાદ પરત ફરતા પાર્ટીના પ્રદેશ અધ્યક્ષ બાબુલાલ મરાંડીએ જણાવ્યું હતું કે, બેઠક થઈ છે. અમે ભાજપની કેન્દ્રીય ચૂંટણી સમિતિ સમક્ષ ઝારખંડની રાજકીય પરિસ્થિતિ અને ઉમેદવારો વિશે અમારા વિચારો રજૂ કર્યા છે. કેન્દ્રએ નિર્ણય લેવાનો છે, જ્યારે અંતિમ નિર્ણય લેવામાં આવશે ત્યારે તમને (મીડિયા) ત્યાંથી માહિતી મળશે.
બીજેપી નેતાએ વધુમાં કહ્યું કે, અમે કેન્દ્રીય નેતૃત્વને બધું કહેવાનો પ્રયાસ કર્યો છે. તમે બધાએ જાહેરાત માટે 1-2 દિવસ રાહ જોવી પડી શકે છે. પાર્ટી હંમેશા ચૂંટણી માટે તૈયાર છે. પાર્ટી 365 દિવસ સતત કામ કરે છે અને લોકોની વચ્ચે રહે છે. આટલું કામ કોઈ રાજકીય પક્ષ કરતું નથી. તમને જલ્દી સારા સમાચાર મળશે.
તમને જણાવી દઈએ કે ચૂંટણી પંચે મંગળવારે (15 ઓક્ટોબર) ચૂંટણીની તારીખોની જાહેરાત કરી છે. ચૂંટણી પંચના કાર્યક્રમ અનુસાર, ઝારખંડમાં 13 અને 20 નવેમ્બરે બે તબક્કામાં મતદાન થશે. જ્યારે 23 નવેમ્બરે મતગણતરી થશે.
