Gujarat: હવે ભુજ-અમદાવાદ વંદે મેટ્રોને નમો ભારત રેપિડ રેલ કહેવામાં આવશે, ઉદ્ઘાટનના થોડા કલાકો પહેલા નામ બદલાયું.
વંદે મેટ્રોનું નામ તેના ઉદ્ઘાટનના કલાકો પહેલા જ બદલી દેવામાં આવ્યું.
Gujarat: ભુજ-અમદાવાદ વચ્ચે દોડતી વંદે મેટ્રોનું નામ તેના ઉદઘાટનના કલાકો પહેલા જ બદલવામાં આવ્યું હતું. આ ટ્રેન હવે નમો ભારત રેપિડ રેલ તરીકે ઓળખાશે.
Gujarat: ભારતને આજે સોમવારે દેશની પ્રથમ વંદે મેટ્રો ટ્રેન મળવા જઈ રહી છે. પીએમ મોદી અમદાવાદ અને ગાંધીનગરને જોડતી મેટ્રો રેલ સેવાના બીજા તબક્કાનું લોકાર્પણ કરશે અને મેટ્રો ટ્રેનની સવારી પણ કરશે. આ પહેલા વંદે મેટ્રોને લઈને રેલવે દ્વારા મોટો નિર્ણય લેવામાં આવ્યો છે. રેલવેએ વંદે મેટ્રોનું નામ બદલી નાખ્યું છે. હવે તેને ‘નમો ભારત રેપિડ રેલ’ તરીકે ઓળખવામાં આવશે.
શેડ્યૂલ અને ભાડું શું હશે?
પશ્ચિમ રેલવેના અધિકારીઓના જણાવ્યા અનુસાર, અમદાવાદ-ભુજ વંદે મેટ્રો ટ્રેન નવ સ્ટેશનો પર ઉભી રહેશે અને 110 કિમી પ્રતિ કલાકની મહત્તમ ઝડપે પાંચ કલાક 45 મિનિટમાં 360 કિલોમીટરનું અંતર કાપશે. અધિકારીઓએ જણાવ્યું હતું કે તે ભુજથી સવારે 5:05 વાગ્યે ઉપડશે અને સવારે 10:50 વાગ્યે અમદાવાદ જંકશન પહોંચશે. મુસાફરો માટે તેની નિયમિત સેવા અમદાવાદથી 17 સપ્ટેમ્બરથી શરૂ થશે અને સમગ્ર પ્રવાસ માટે ભાડું 455 રૂપિયા પ્રતિ પેસેન્જર હશે.
એક હજારથી વધુ મુસાફરો બેસી શકશે
વંદે મેટ્રો ટ્રેન અને દેશમાં કાર્યરત અન્ય મેટ્રોની વિસ્તૃત વિગતો આપતા મંત્રાલયે કહ્યું કે વંદે મેટ્રો મહત્તમ 110 કિમી પ્રતિ કલાકની ઝડપે ચાલે છે. તે કહે છે કે તેનો ફાયદો એ છે કે તે યાત્રા ઝડપથી પૂર્ણ કરશે અને કાર્યક્ષમતામાં સુધારો કરશે. તેમાં કહેવામાં આવ્યું છે કે વંદે મેટ્રો ટ્રેનને અથડામણ વિરોધી ‘કવચ’ જેવી અદ્યતન સુરક્ષા પ્રણાલીઓથી સજ્જ કરવામાં આવી છે. રેલવે મંત્રાલયે કહ્યું કે વંદે મેટ્રો ટ્રેનમાં 12 કોચ હશે, જેમાં 1,150 મુસાફરોની બેઠક ક્ષમતા હશે.
