Supreme Court: સરોગસી અંગે સુપ્રીમ કોર્ટનો મોટો ફેંસલો, સરોગેટ માતાને હવે આ રીતે મળશે પૈસા
Supreme Court: સુપ્રીમ કોર્ટે મંગળવારે કહ્યું કે સરોગસીના મામલામાં એવી વ્યવસ્થાની જરૂર છે કે જેથી કરીને કોઈ મહિલાનું શોષણ ન થાય. કોર્ટે કહ્યું કે સરોગેટ માતાઓના હિતોનું રક્ષણ કરવું જરૂરી છે. સરોગેટ કાયદાને પડકારતી અરજીઓની સુનાવણી દરમિયાન Supreme Court આ ટિપ્પણી કરી હતી. જસ્ટિસ બી.વી. નાગરત્નાની આગેવાની હેઠળની બેંચ સમક્ષ સુનાવણી દરમિયાન, કોર્ટે કહ્યું કે સરોગેટ માતાઓને ભંડોળનું વિતરણ કરવા માટે નિયુક્ત સત્તાધિકારીની નિમણૂક કરવી જોઈએ અને ઈચ્છુક યુગલોએ સીધી ચુકવણી કરવી જોઈએ નહીં. દંપતી વિભાગને ચુકવણી કરે છે અને રકમ સરોગેટ માતાને પહોંચે છે.
મહિલાઓનું શોષણ ન થવું જોઈએ
કેન્દ્ર સરકાર તરફથી હાજર રહેલા એડિશનલ સોલિસિટર જનરલ ઐશ્વર્યા ભાટીએ કોર્ટને માહિતી આપી હતી કે હાલનો કાયદો માત્ર પરોપકારી સરોગસીને મંજૂરી આપે છે અને વ્યાપારી સરોગસી પ્રતિબંધિત છે. તેમણે આ મામલે સરકાર પાસે સમય માંગ્યો હતો. અરજદારો તરફથી હાજર રહેલા વરિષ્ઠ વકીલ નકુલ દિવાને દલીલ કરી હતી કે પરોપકારની ભાવના જાળવી રાખીને, સરોગેટ માતાઓને અમુક પ્રકારનું વળતર આપવું જોઈએ, કારણ કે કાયદો માત્ર તબીબી અને વીમા ખર્ચ માટે જ જોગવાઈ કરે છે. કોર્ટ આ મામલે વધુ સુનાવણી 5 નવેમ્બરે કરશે.
