‘Singham Again’:અજય દેવગનની આગામી ફિલ્મનો ક્લાઈમેક્સ ‘કલ્કી’ અને ‘જવાન’ કરતા પણ મોંઘો, મેકર્સે પાણીની જેમ ખર્ચ્યા પૈસા.
ભારતીય સિનેમામાં મોટા બજેટની ફિલ્મો બનાવવી સામાન્ય બાબત છે. મેકર્સ તેમની ફિલ્મોને ભવ્ય બનાવવા માટે પાણીની જેમ પૈસા ખર્ચે છે. પ્રભાસ, અમિતાભ બચ્ચન, દીપિકા પાદુકોણ અને કમલ હાસન-સ્ટારર કલ્કી 2898 AD જેવા આશ્ચર્યજનક પ્રોડક્શન બજેટ પર તાજેતરના વર્ષોની કેટલીક સૌથી મોટી બ્લોકબસ્ટર બનાવવામાં આવી છે, જે રૂ. 600 કરોડના બજેટ સાથે બનાવવામાં આવી હતી. જ્યારે જુનિયર એનટીઆર અને રામ ચરણ સ્ટારર આરઆરઆર રૂ. 550 કરોડના બજેટ સાથે બનાવવામાં આવી હતી, જ્યારે શાહરૂખ ખાનની બ્લોકબસ્ટર ફિલ્મ ‘જવાન’નો ખર્ચ રૂ. 300 કરોડ હતો.
પરંતુ શું જાણો છો કે ભારતીય સિનેમાના સૌથી મોંઘા સીન ધરાવતી આ ફિલ્મ દિવાળીના અવસર પર રિલીઝ થવા જઈ રહી છે. એક સીન માટે મેકર્સે કરોડો રૂપિયા ખર્ચ્યા છે. ચાલો જાણીએ આ કઈ ફિલ્મ છે?
આ ફિલ્મનો ક્લાઈમેક્સ સૌથી મોંઘો છે
ભારતીય સિનેમાનો સૌથી મોંઘો ફિલ્મ સીન Rohit Shetty ની દિગ્દર્શિત આગામી ફિલ્મ ‘Singham Again’ નો ભવ્ય ક્લાઈમેક્સ સીન હોવાનું કહેવાય છે. અહેવાલો અનુસાર, રોહિત શેટ્ટી દ્વારા નિર્દેશિત આ ફિલ્મનું બજેટ 250 કરોડ રૂપિયા છે અને નિર્માણ ખર્ચના 10 ટકા એટલે કે અંદાજે 25 કરોડ રૂપિયા ફિલ્મના ક્લાઈમેક્સ માટે ફાળવવામાં આવ્યા છે.
View this post on Instagram
‘Singham Again’નો ક્લાઈમેક્સ સીન ખૂબ જ ભવ્ય હશે.
‘Singham Again’ ના ક્લાઈમેક્સ સીનમાં Ajay Devgan ડીસીપી બાજીરાવ સિંઘમના રોલમાં જોવા મળશે. જ્યારે રણવીર સિંહને એસીપી સંગ્રામ ભાલેરાવ ઉર્ફે સિમ્બા અને અક્ષય કુમારને ડીસીપી વીર સૂર્યવંશી તરીકે બતાવવામાં આવશે. ત્રણેય મળીને ફિલ્મના મુખ્ય વિલન ડેન્જર લંકા (અર્જુન કપૂર) સામે લડશે. એક્શન સિક્વન્સનું શૂટિંગ હૈદરાબાદમાં કરવામાં આવ્યું હતું, અને એસીપી સત્ય તરીકે ટાઈગર શ્રોફ, એસીપી શક્તિ શેટ્ટી તરીકે દીપિકા પાદુકોણ અને અવની કામત સિંઘમ તરીકે કરીના કપૂર ખાન અભિનય કરશે.
ફિલ્મને લઈને ચાહકોમાં ભારે ઉત્તેજના છે. આ ફિલ્મ 1 નવેમ્બર 2024ના રોજ સિનેમાઘરોમાં આવશે.
