Maharashtra: રસ્તાની હલકી ગુણવત્તાનું કામ કરનારા કોન્ટ્રાક્ટરો સામે ફરી એક વખત મુંબઈ મહાનગરપાલિકાએ બ્લેકલિસ્ટ કરવાથી લઈને અન્ય આકરાં પગલાં લેવાની ચીમકી આપી છે,
Maharashtra: જે અંતર્ગત આરે કોલોનીમાં સિમેન્ટ-કૉંક્રીટના હલકી ગુણવત્તાનું રસ્તાનું કામ કરનારા કોન્ટ્રાક્ટરની સાથે જ ગુણવત્તા પર નજર રાખનારી ક્વોલિટી મોનિટરિંગ એજન્સી સામે મુંબઈ મહાનગરપાલિકાએ પગલાં લીધાં છે.
કોન્ટ્રાક્ટરને દંડ ફટકારવાની સાથે જ તેને સ્વખર્ચે
કૉંક્રીટ રસ્તાના અસરગ્રસ્ત ભાગને નવેસરથી બનાવવાનો આદેશ પાલિકા પ્રશાસને આપ્યો છે. સાથે જ ફરી હલકીગુણવત્તાનો કામ કરતો કોન્ટ્રાક્ટર પકડાયો તો તેને બ્લેક લિસ્ટ કરી નાખવાની ચોખ્ખા શબ્દોમાં ચેતવણી પણ આપવામાં આવી છે. મુંબઈ મહાવગરપાલિકા આવું કરી શકે છે તો શું ગુજરાત સરકાર અને તમામ મહાનગરપાલિકા અને નગરપાલિકાથી લઈને પંચાયતો સુધીનો કારભાર કરી રહેલા તંત્રવાહકો પણ કોન્ટ્રાક્ટરોને રસ્તાને લઈ કાર્યવાહી કરે તો ગુજરાતની પ્રજાની મોટી સેવા ગણાશે.
મુંબઈના તમામ રસ્તાનું તબક્કાવાર સિમેન્ટ-કૉંક્રીટાઈઝેશન કરવામાં આવી રહ્યું છે,
મુંબઈના તમામ રસ્તાનું તબક્કાવાર સિમેન્ટ-કૉંક્રીટાઈઝેશન કરવામાં આવી રહ્યું છે,તેને કારણે રસ્તા ખાડામુક્ત થશે અને વાહનવ્યવહાર વ્યસ્થિત થવાની સાથે જ ઈંધણની પણ બચત થવાની છે. હાલ મુંબઈમાં અનેક જગ્યાએ રસ્તાના કામ ચાલી રહ્યા છે ત્યારે ગોરેગામમાં આરે કોલોનીમાં મુખ્ય રસ્તાનું સિમેન્ટ-કૉંક્રીટાઈઝેશનનું કામ હાથ ધરવામાં આવી રહ્યું છે. તે માટે કોન્ટ્રાક્ટર સહિત ગુણવત્તા પર નજર રાખવા માટે ક્વોલિટી મોનિટરિંગ એજન્સી નીમવામાં આવી છે.
પ્રશાસને કોન્ટ્રાક્ટરને રસ્તા પર જયાં તિરાડ પડી છે, મોટા ખાડા પડી ગયા છે,
પ્રશાસને કોન્ટ્રાક્ટરને રસ્તા પર જયાં તિરાડ પડી છે, મોટા ખાડા પડી ગયા છે,તેટલા રસ્તાનું પેચવર્ક પોતાના ખર્ચે કરવાનો આદેશ આપ્યો છે. એ સાથે જ કોન્ટ્રાક્ટરને દંડ ફટકારવામાં આવ્યો છે, જે તેના બિલમાંથી કાપી લેવામાં આવશે. ભવિષ્યમાં રસ્તાના કામમાં આ પ્રકારની ત્રુટી ફરી જણાશે તો બમણો દંડ વસૂલવામાં આવશે. ત્રીજી વખત ત્રુટી જણાઈ તો ભવિષ્યમાં પાલિકાના અન્ય તમામ પ્રોજેક્ટ માટે તેે કોન્ટ્રાક્ટરને બ્લેક લિસ્ટ કરવાની ચેતવણી પણ પાલિકાએ આપી છે. એ સાથે ક્વોલિટી મોનિટરિંગ એજન્સીને પણ દંડ ફટકારવામાં આવ્યો છે.
