Paris Olympics: પેરિસ ઓલિમ્પિક 2024માં ભારતીય ખેલાડીઓ શૂટિંગમાં ખૂબ સારું પ્રદર્શન કરી રહ્યા છે. ભારતે અત્યાર સુધીમાં કુલ 3 મેડલ જીત્યા છે અને ત્રણેય મેડલ શૂટિંગમાં આવ્યા છે. પુરુષોની 50 મીટર રાઇફલ 3 પોઝિશનમાં, સ્વપ્નિલ કુસલેએ 451.4ના સ્કોર સાથે બ્રોન્ઝ મેડલ જીત્યો. ઓલિમ્પિકના ઈતિહાસમાં સ્વપ્નિલ આ ઈવેન્ટમાં મેડલ જીતનાર ભારતનો પહેલો ખેલાડી બની ગયો છે. તેમના પહેલા, કોઈ પણ ભારતીય ઓલિમ્પિકમાં 50 મીટર રાઈફલ 3 પોઝિશનમાં મેડલ જીતી શક્યો ન હતો. હવે મહારાષ્ટ્રના મુખ્યમંત્રી એકનાથ શિંદેએ સ્વપ્નિલ કુસલે માટે મોટી જાહેરાત કરી છે.
મહારાષ્ટ્રના સીએમએ સ્વપ્નિલને 1 કરોડ રૂપિયા આપવાની જાહેરાત કરી છે
મહારાષ્ટ્રના મુખ્યમંત્રી એકનાથ શિંદેએ પેરિસ ઓલિમ્પિકમાં બ્રોન્ઝ મેડલ જીતવા બદલ સ્વપ્નિલ કુસલેને 1 કરોડ રૂપિયા આપવાની જાહેરાત કરી છે. તમને જણાવી દઈએ કે પુરુષોની 50 મીટર રાઈફલ 3 પોઝિશન ઈવેન્ટમાં એથલીટે પહેલા ઘૂંટણિયે પડીને, પછી નીચે સૂઈને અને પછી ઉભા થઈને શોટ મારવો પડે છે. આ જીત બાદ દરેક જગ્યાએ સ્વપ્નિલ કુસાલેના વખાણ થઈ રહ્યા છે.
તમને જણાવી દઈએ કે ઓલિમ્પિક માટે ક્વોલિફાય થવા માટે સ્વપ્નિલ કુસલેએ 12 વર્ષ સુધી રાહ જોઈ હતી. તે 2012 થી વ્યવસાયિક રીતે શૂટિંગ કરી રહ્યો છે, પરંતુ છેલ્લી 2 ઓલિમ્પિકમાં ક્વોલિફાય કરી શક્યો ન હતો. પરંતુ, સ્વપ્નીલે હાર ન માની અને તે કર્યું જેના પર હવે આખા દેશને ગર્વ છે.
ઓલિમ્પિકમાં મેડલ જીતવાની આ સફર સ્વપ્નિલ માટે ક્યારેય આસાન નહોતી. છેલ્લા 10-12 વર્ષથી તે મોટાભાગનો સમય ઘરની બહાર જ રહે છે. બ્રોન્ઝ મેડલ જીતનાર સ્વપ્નિલના પિતાએ ઈન્ટરવ્યુમાં જણાવ્યું છે કે મેડલ મેચ પહેલા પરિવારમાંથી કોઈએ સ્વપ્નિલ સાથે વાત કરી ન હતી.
