Paris Olympics 2024: ઓલિમ્પિક્સ 2024નો છઠ્ઠો દિવસ ભારતીય એથ્લેટ્સ માટે ખૂબ જ શાનદાર રહેવાનો છે. આજે ભારતીય ખેલાડીઓ માટે ત્રણ મેડલ મેચ છે. એચએસ પ્રણોય અને લક્ષ્ય સેન વચ્ચે પણ ખાસ સ્પર્ધા છે.
ભારતીય ખેલાડીઓએ Paris Olympics 2024 માં અત્યાર સુધી શાનદાર પ્રદર્શન કર્યું છે.
હવે ભારત છઠ્ઠા દિવસમાં પ્રવેશ્યું છે. આજે એટલે કે 1લી ઓગસ્ટે પેરિસ ઓલિમ્પિક 2024માં છઠ્ઠા દિવસની ઈવેન્ટ રમાવાની છે. જેમાં 20થી વધુ ભારતીય ખેલાડીઓ એક્શનમાં રહેશે. આજે ભારતીય ખેલાડીઓ ત્રણ ઈવેન્ટમાં મેડલ માટે સ્પર્ધા કરવા જઈ રહ્યા છે.
આ ખેલાડીઓ છઠ્ઠા દિવસે મેડલ માટે મેદાનમાં ઉતરશે
આ ખેલાડીઓ છઠ્ઠા દિવસે મેડલ માટે મેદાનમાં ઉતરશેભારતની મેડલ જીતવાની આશા ઘણી વધી ગઈ છે. આજની ત્રણ મેડલ મેચમાં પાંચ ભારતીય ખેલાડીઓ મેદાનમાં ઉતરશે. પરમજીત સિંહ બિષ્ટ, અક્ષદીપ સિંહ, વિકાસ સિંહ એથ્લેટિક્સની પુરુષોની 20 કિમી રેસ વોક ઈવેન્ટમાં મેડલ માટે શ્રેષ્ઠ પ્રયાસ કરવા જઈ રહ્યા છે. પ્રિયંકા ગોસ્વામી એથ્લેટિક્સની મહિલાઓની 20 કિમી રેસ વોક ઈવેન્ટમાં પણ પોતાની તાકાત બતાવશે. પુરુષોની 50 મીટર રાઈફલ શૂટિંગ ઈવેન્ટમાં દેશને સ્વપ્નિલ કુસાલે પાસેથી ઘણી અપેક્ષાઓ છે.
આ સ્ટાર ખેલાડીઓ પણ આજે
પેરિસ ઓલિમ્પિકમાં તેમના અભિયાનના આગામી પડકારનો સામનો કરશે. બેડમિન્ટનમાં પીવી સિંધુ, એચએસ પ્રણોય અને લક્ષ્ય સેન, બોક્સિંગમાં નિખાત ઝરીન મેડલની આશા રાખી રહ્યા છે.
ઓલિમ્પિકમાં સતત ત્રીજો મેડલ જીતવાની આશા રાખનારી પીવી સિંધુનો પ્રથમ રાઉન્ડમાં સામનો ચીનની હી બિંગ જિયાઓ સામે થશે. મેન્સ સિંગલ્સમાં દેશના બે સ્ટાર ખેલાડીઓ એચએસ પ્રણય અને લક્ષ્ય સેન આમને-સામને ટકરાશે. જ્યારે મેન્સ ડબલ્સમાં ચિરાગ-સાત્વિકની જોડી પણ ક્વાર્ટર ફાઇનલમાં પોતાની તાકાત બતાવશે.
ભારતીય પુરૂષ હોકી ટીમને બેલ્જિયમ તરફથી સખત પડકાર મળશે
ભારતીય પુરૂષ હોકી ટીમે મંગળવારે આયર્લેન્ડ સામે 2-0થી જીત મેળવીને ક્વાર્ટર ફાઇનલમાં જગ્યા બનાવી લીધી છે. હવે ટીમનો અપરાજિત રેકોર્ડ 2024માં પેરિસના યવેસ-ડુ-માનોઇર સ્ટેડિયમમાં બેલ્જિયમ સામે પડકારનો સામનો કરશે.
