EPFO
કર્મચારીઓની ફરિયાદોના નિરાકરણમાં વિલંબ અને તાજેતરના મહિનાઓમાં ક્લેમ સેટલમેન્ટ અસ્વીકારની વધતી સંખ્યાને ધ્યાનમાં રાખીને EPFO આ બહુભાષી સંપર્ક કેન્દ્ર શરૂ કરવાની યોજના બનાવી રહ્યું છે.
એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) તેના યુઝર્સને ખાસ સુવિધા આપવાનું આયોજન કરી રહ્યું છે. વાસ્તવમાં, તે ફરિયાદ નોંધાવવા અથવા નિવારણ મિકેનિઝમ મેળવવા માંગતા ગ્રાહકોને સિંગલ-વિન્ડો ઇન્ટરફેસ પ્રદાન કરવાના ઉદ્દેશ્ય સાથે રાઉન્ડ-ધ-ક્લોક બહુભાષી “સંપર્ક કેન્દ્ર” સ્થાપિત કરવા માટે કામ કરી રહ્યું છે. EPFO તેના આશરે 7 કરોડ સક્રિય ગ્રાહકો માટે એક સંકલિત કોલ સેન્ટર સ્થાપવાની તૈયારી કરી રહ્યું છે. વાસ્તવમાં, તાજેતરના મહિનાઓમાં ફરિયાદોના નિરાકરણમાં વિલંબ અને ક્લેમ સેટલમેન્ટ અસ્વીકારની વધતી સંખ્યાને કારણે EPFO દ્વારા આ પગલું લેવામાં આવ્યું છે. કર્મચારી ભવિષ્ય નિધિ સંગઠનને આ મુદ્દાને લઈને સોશિયલ મીડિયા પ્લેટફોર્મ પર ઘણી ટીકાઓનો સામનો કરવો પડ્યો છે.
સંપર્ક કેન્દ્ર 23 ભાષાઓમાં હશે
EPFO એ આ સંપર્ક કેન્દ્ર સ્થાપવા માટે એક ટેન્ડર બહાર પાડ્યું છે, જે એક મજબૂત સિસ્ટમ સાથે 24×7 અને 365 દિવસ કામ કરશે. તેનો ઉદ્દેશ મલ્ટી-ચેનલ (હેલ્પલાઈન નંબર્સ, વિવિધ ઓફિસોના લેન્ડલાઈન ફોન, રજીસ્ટ્રેશન પોર્ટલ, વોટ્સએપ, સોશિયલ મીડિયા, ભૌતિક પોસ્ટ) દ્વારા મળેલી ફરિયાદોને સાંભળવાનો અને સમજવાનો છે.
EPFOએ ટેન્ડરમાં 23 ભાષાઓને લિસ્ટ કરી છે. તેમાં હિન્દી, અંગ્રેજી, આસામી, બંગાળી, બોડો, ડોગરી, ગુજરાતી, કન્નડ, કાશ્મીર, કોંકણી, મૈથિલી, મલયાલમ અને અન્ય ભાષાઓનો સમાવેશ થાય છે. અગાઉ, EPFOએ ટોલ ફ્રી નંબર (1800118005) સાથે હેલ્પલાઇન શરૂ કરી હતી. જો કે, આ હેલ્પલાઇન નંબર મોટે ભાગે અપ્રાપ્ય રહ્યો હતો.
